فورۋمنىڭ باستى تاقىرىبى يننوۆاتسيالىق تەحنولوگيالار يندۋسترياسىن دامىتۋدىڭ زاماناۋي جاھاندىق سىن-قاتەرلەرى بولماق.
فورۋمنىڭ ىسكەرلىك باعدارلاماسى 20 پانەلدىك سەسسيادان تۇرادى, وندا 150-دەن استام سپيكەرلەر – حالىقارالىق جانە قازاقستاندىق IT-قوعامداستىق وكىلدەرى ءسوز سويلەيدى. Digital Almaty-گە الەمنىڭ 30 ەلىنەن 15 مىڭنان استام ادام قاتىسادى دەپ كۇتىلۋدە. پانەلدىك سەسسيالاردا فورۋمعا قاتىسۋشىلار ونەركاسىپ سالالارىنىڭ اۆتوماتتاندىرۋدان تسيفرلاندىرۋعا ۇدەمەلى كوشۋىن, تسيفرلىق ماينينگ پەرسپەكتيۆالارىن, روبوتتاندىرۋدى قولدانۋ سالالارىن, ەۋرازيالىق وڭىردە IT-سالانى دامىتۋدى تالقىلايدى.
ايتا كەتسەك, Digital Almaty پلەنارلىق وتىرىسىنا ەۋرازيالىق ەكونوميكالىق وداققا قاتىسۋشى ەلدەردىڭ ۇكىمەت باسشىلارى قاتىسادى. ەاەو ەلدەرى پرەمەر-مينيسترلەرىنىڭ قاتىسۋىمەن پلەنارلىق سەسسيادا تالقىلاۋدىڭ نەگىزگى تاقىرىبى تۇراقتى تسيفرلىق ينفراقۇرىلىمدى جانە تەلەكوممۋنيكاتسيالارداعى جاڭا تەحنولوگيالاردى دامىتۋ باعىتىنا ارنالادى. سپيكەرلەر GovTech جانە FinTech دامۋ پەرسپەكتيۆالارى تۋرالى اڭگىمەلەيدى, سونداي-اق وڭىردە IT بيزنەستى ودان ءارى دامىتۋ تۋرالى كوزقاراسىمەن بولىسەدى.
فورۋمدا ەل تەحنوپاركتەرىنىڭ, حالىقارالىق ۆەندورلاردىڭ جانە ۆەنچۋرلىك قورلاردىڭ كورمەلەرى ۇيىمداستىرىلادى. كورمە ايماقتارى يندۋستريا 4.0. جانە Innovation Center يندۋستريالىق ونەركاسىپتەگى يننوۆاتسيالار مەن ۇزدىك IT ازىرلەمەلەردى كورسەتەدى.
سونىمەن قاتار, FinTech, Smart City, EDtech, GameDev, IoT, 5G, SaaS, Blockcain, Big Data, MedTech, Logistic&Travel سالاسىنداعى جوبالار كورمەسىن قوسا العاندا, 100 جاڭا جوبا ۇسىنىلاتىن ستارتاپتار اللەياسى دا IT-سالانىڭ جەتەكشى وكىلدەرىنىڭ قاتىسۋىمەن تەحنولوگيالىق مارافون, ۆوركشوپ ۇيىمداستىرىلادى, جوعارى وقۋ ورىندارى مەن بوس ورىندار جارمەڭكەلەرى. ءداستۇر بويىنشا فورۋم الاڭىندا ASTANA HUB BATTLE تەحنولوگيالىق مارافونى - ۇزدىك IT-ستارتاپ ءۇشىن شايقاس وتەدى. شايقاستىڭ جۇلدە قورى $18 000 قۇرايدى.
