جامبىل وبلىسىنىڭ اكىمى نۇرجان نۇرجىگىتوۆ ءوڭىردىڭ عانا ەمەس، ەل نامىسىن ابىرويمەن قورعاپ جۇرگەن بىرقاتار سپورتشىعا پاتەر كىلتىن تابىستادى. نەگىزىنەن جاڭا پاتەرگە قونىستانعان سپورتشىلار ءححىV جازعى سۋردليمپيادا ويىندارىنىڭ جۇلدەگەرلەرى ەكەنىن ايتا كەتكەن ءجون.
جاڭا پاتەر كىلتىنە يە بولعان ساڭلاقتاردىڭ قاتارىندا ەركىن كۇرەستەن 57 كيلوگرامم سالماق دارەجەسىندە برازيليانىڭ كاشياس-دۋ-سۋل قالاسىندا وتكەن سۋردليمپيادا ويىندارىنىڭ كۇمىس جۇلدەگەرى عابيت ەسجانوۆ، ءدال سول دودادا 74 كيلوگرامم سالماقتا ەكىنشى ورىن يەلەنگەن عاسىر تۇرعىنباي، سونداي-اق اتالعان الاماندا جۇلدەگەرلەر قاتارىنان كورىنگەن اننا كراموروۆا، اسان نۇرجان، فەريدە كارا وگلى، ولجاس رىسجانوۆ، ەۆەلينا ەگەمبەرديەۆا، ايدوس تۇگەلباەۆ بار.
ء«تانى ساۋدىڭ – جانى ساۋ» دەمەكشى، مەملەكەت باسشىسى بۇقارالىق سپورتتى دامىتۋعا قاتىستى ناقتى مىندەتتەر جۇكتەپ وتىرعانى بەكەر ەمەس. بىزدە بۇعان بارلىق مۇمكىندىك بار.
وبلىستىڭ بارلىق قالالارى مەن اۋدان ورتالىقتارىندا، سونداي-اق اۋىلداردا زاماناۋي سپورت زالدارى مەن ارنايى الاڭدار سانى ارتىپ كەلەدى. 2024 جىلى فرانتسيا استاناسى پاريج قالاسىندا وتەتىن جازعى وليمپيا ويىندارىنان جامبىلدىق سپورتشىلاردىڭ ءبىرى التىن جۇلدە الۋعا ءتيىس. جەرگىلىكتى اتقارۋشى بيلىك سپورتشىلارىمىزدىڭ زور تابىستارعا جەتۋى ءۇشىن قولدان كەلگەن كومەكتى ايامايدى»، دەيدى ءوڭىر باسشىسى نۇرجان نۇرجىگىتوۆ.
تاراز
ەلىمىزدە 12 وڭالتۋ ورتالىعى سالىنادى
ۇكىمەت • بۇگىن، 13:02
ءبيبىسارا اساۋباەۆا ءۇندىستاندا ءتورتىنشى رەت جەڭىسكە جەتتى
شاحمات • بۇگىن، 12:14
كوروناۆيرۋسقا شالدىققان 2 ادامنىڭ جاعدايى اۋىر
كوروناۆيرۋس • بۇگىن، 11:54
شۆەيتساريادا ەكى پويىزدىڭ ۆاگوندارى رەلستەن شىعىپ كەتكەن
الەم • بۇگىن، 11:40
دونالد ترامپقا قارسى قىلمىستىق ءىس قوزعالدى
الەم • بۇگىن، 11:10
الماتىدا اۋا ساپاسى ناشارلايدى
اۋا رايى • بۇگىن، 10:41
ۇقساس جاڭالىقتار
