دەپۋتات تەرەكتى اۋدانىنداعى جۇمىس ىستەپ تۇرعان اۋداندىق ەمحانانىڭ جاعدايىمەن تانىستى. ونداعى جابدىقتار تۇگەلىمەن توزعان, ال عيماراتتىڭ ءوزى 50-جىلدارى سالىنعان جانە قازىر جوندەۋ مەن جاڭارتۋدى قاجەت ەتەتىنى تۋرالى حاباردار بولدى. سەناتور مەديتسينالىق مەكەمەنىڭ جاڭا عيماراتىن سالۋعا قاراجات ءبولۋ ماسەلەسىن رەسپۋبليكالىق دەڭگەيدە كوتەرۋ جونىندە نيەتى بار ەكەنىن اتاپ ءوتتى.
«قالىپتاسقان جاعدايدى ەسكەرە وتىرىپ, جاڭا الەۋمەتتىك نىساندار قۇرىلىسىن سالۋ جانە رەسپۋبليكالىق بيۋدجەتتەن نىسانالى ترانسفەرت تۇرىندە قارجىلاندىرۋ ماسەلەلەرىن شەشۋگە جاردەمدەسۋ قاجەت», دەپ اتاپ ءوتتى ءلاززات رىسبەكوۆا.
سەناتور سونداي-اق وبلىستىق ءماسليحات دەپۋتاتتارىمەن كەزدەسۋدە ارنايى الەۋمەتتىك قىزمەتتەر كورسەتۋ مەكەمەسىنە جاڭا عيمارات, تەرەكتى جانە بايتەرەك اۋداندارىندا بىركەلكى ءورت ءسوندىرۋ دەپولارىن سالۋ ماسەلەلەرىن تالقىلادى. سەناتور سونىمەن قاتار دەپۋتاتتارمەن بىرلەسىپ كەزەكتە تۇرعانداردى تۇرعىن ۇيمەن قامتاماسىز ەتۋگە قاتىستى ماسەلەلەردى دە تالقىلادى.
ءلاززات رىسبەكوۆا وبلىس اكىمى ناريمان تورەعاليەۆپەن كەزدەسۋ بارىسىندا جەرگىلىكتى تۇرعىنداردىڭ الەۋمەتتىك ءال-اۋقاتىنا قاتىستى ماسەلەلەردى شەشۋگە ەرەكشە نازار اۋداردى.
سونىمەن قاتار سەنات دەپۋتاتتارى سەرىكباي ترۇموۆ پەن سۇيىندىك الداشەۆ ماڭعىستاۋ وبلىسىنىڭ مۇنايلى اۋدانىندا بولدى. سەناتورلار ماڭعىستاۋ اۋىلىن ەلەكتر قۋاتىمەن قامتاماسىز ەتۋ جۇمىسىنىڭ بارىسىمەن, سونداي-اق قىزىلتوبە اۋىلدىق وكرۋگىندە 1200 ورىندىق گاز قۇبىرى مەن مەكتەپ قۇرىلىسىمەن تانىستى.
مەملەكەتتىك مەكتەپ قۇرىلىسىنىڭ سالىنۋى ءۇش اۋىسىمدىق وقىتۋ ماسەلەسىن جەڭىلدەتۋگە كومەكتەسەدى. جۇمىس جوسپار بويىنشا 2024 جىلى اياقتالۋعا ءتيىس.
«مەملەكەت «جايلى مەكتەپ» جوباسىن ازىرلەگەن بولاتىن. بۇل جوبا مەكتەپتەردىڭ جەتىسپەۋشىلىگىن تولىعىمەن شەشەتىن بولادى. سوندىقتان قۇرىلىس مەرزىمدەرىن ساقتاۋ جانە جۇمىستىڭ جوعارى ساپاسىن ساقتاۋ اسا ماڭىزدى. وسىعان بايلانىستى جەرگىلىكتى اكىمدىك پەن ءتيىستى مەملەكەتتىك ورگاندار تاراپىنان وسى مەكتەپتىڭ قۇرىلىس بارىسىنا قاتاڭ باقىلاۋدى قامتاماسىز ەتۋدىڭ ەرەكشە ماڭىزى بار», دەپ اتاپ ءوتتى سەناتور سەرىكباي ترۇموۆ.
سەناتورلار اقتاۋ قالاسىنداعى «قازاتومونەركاسىپ – ماەك» جشس مەكەمەسى مەن «كاسپي» سۋ تۇششىتۋ زاۋىتىنىڭ جۇمىستارىمەن تانىستى.
