ء«بىزدىڭ عىلىمي قاۋىمداستىق, جوعارى وقۋ ورىندارىنىڭ رەكتورلارى, جوعارى وقۋ ورىندارىنىڭ تاراپىنان ۇلكەن جۇمىستار اتقارىلىپ جاتىر. شەشىلەتىن جوسپارلاردى تالقىلادىق. اتاپ ايتقاندا تسيفرلاندىرۋ ماسەلەلەرى, ۇستازدارىمىزدىڭ بىلىكتىلىگىن ارتتىرۋ, بولاشاقتا كادر قاجەتتىلىگىن دۇرىس بولجاۋ, بىزگە قاجەت جاڭا ماماندىقتار تالقىلاندى. ءبىز باسەكەگە قابىلەتتى بولۋ ءۇشىن كوپ جۇمىس ىستەۋىمىز كەرەك. ول ءۇشىن جاعداي جاساۋىمىز كەرەك. مەملەكەت باسشىسىنىڭ ناقتى تاپسىرمالارى عىلىمدى دامىتۋعا باعىتتالعان. عىلىمعا مەملەكەتتىك قولداۋ قاجەت», دەدى التاي كولگىنوۆ.
ۆيتسە-پرەمەردىڭ ايتۋىنشا, ەڭ ماڭىزدى مىندەت – قازاقستاندىقتاردى عىلىمعا كوبىرەك باۋلۋ.
«بۇگىندە مەملەكەتتەن قاراجات ءبولىنىپ, عىلىمي-زەرتتەۋ ينستيتۋتتارى قىزمەتكەرلەرىنىڭ جالاقىسى كوتەرىلىپ, عىلىمي زەرتتەۋلەرگە, ستارتاپ جوبالارعا گرانتتار ءبولىنىپ جاتىر. ءبىز بيزنەس پەن عىلىمنىڭ ۇيلەسىمدى جۇمىس ىستەگەنىن قالايمىز», دەپ قوستى كولگىنوۆ.
ۆيتسە-پرەمەردىڭ ايتۋىنشا, كەلەسى ماڭىزدى ماسەلە - جاستارعا زاماناۋي ءبىلىم بەرۋ.
«ۋنيۆەرسيتەتتەر زاماناۋي زەرتحانالارمەن, جاڭارتىلعان كىتاپحانالارمەن قامتاماسىز ەتىلىپ, وقىتۋشىلاردىڭ بىلىكتىلىگىن ۇنەمى ارتتىرىپ وتىرۋ ماڭىزدى. وسى ماقساتتا 20 جوعارى وقۋ ورنىنىڭ بازاسىندا اكادەميالىق شەبەرلىك ورتالىقتارىن قۇرۋ بويىنشا مۇقيات جۇمىس جۇرگىزۋ قاجەت. بۇل جۇمىستار 2021 جىلى باستالعانىمەن, ءالى دە ناقتى ناتيجە كورە الماي وتىرمىز. ويتكەنى مينيسترلىك جوو-مەن دايىندىق جۇمىستارىن دەر كەزىندە جۇرگىزبەگەن. ءبىز ونى جاقسارتۋىمىز كەرەك», دەدى ۆيتسە-پرەمەر.
