رەيس ورىندالماعان نەمەسە كەشىككەن جاعدايدا اۋەكومپانيا ءار 2 ساعات سايىن سۋسىندار, 4 ساعاتتان كەيىن ىستىق تاماق بەرەتىنىن اتاپ ءوتتى. ەگەر رەيستىڭ كەشىگۋى كۇندىز سەگىز ساعاتتان, تۇندە التى ساعاتتان ارتىق بولسا, تاسىمالداۋشى جولاۋشىلاردى قوناقۇيگە ورنالاستىرادى جانە اۋەجايدان قوناقۇيگە جانە كەرى كولىكپەن قامتاماسىز ەتەدى.
تاسىمالداۋشىنىڭ كەسىرىنەن رەيس ون ساعاتتان استام ۋاقىتقا توقتاتىلعان نەمەسە كەشىكتىرىلگەن جاعدايدا, جولاۋشىنىڭ تاڭداۋى بويىنشا تاسىمالداۋشى جولاۋشىنى كەلەسى رەيسپەن دىتتەگەن جەرگە دەيىن جەتكىزۋدى قامتاماسىز ەتەدى نەمەسە بيلەتتىڭ تولىق قۇنىن قايتارادى.
«رەيس مارتەبەسىن https://airastana.com/kaz/kk-kz/اقپارات/اۋەجايدا/رەيس-ستاتۋسى سايتىنان كورە الاسىز. رەيس ورىندالماعان نەمەسە كەشىكتىرىلگەن جاعدايدا, تومەنگى وڭ جاق بۇرىشتاعى airastana.com ۆەب-سايتىنداعى ونلاين-كەڭەسشىلەرگە نەمەسە +7 702 702 01 48 WhatsApp نومىرىنە, سونداي-اق, رەيستىڭ توقتاتىلۋى مەن كەشىگۋىنە بايلانىستى اقشانى قايتارۋ ءۇشىن help.airastana.com سايتىنداعى كومەك ورتالىعىنا حابارلاسىڭىز. رەيس كەشىكتىرىلگەن جاعدايدا جەدەل جەلى: +7 7272 44 44 78», دەپ جازىلعان حابارلامادا.
