قازاقستاندىق ديپلومات – ەقىۇ-نىڭ ارنايى وكىلى

قازاقستان سىرتقى ىستەر مينيسترلىگىنە قازاقستاندىق ديپلومات ءمادينا جاربوسىنوۆانىڭ ەقىۇ-نىڭ ادام ساۋ­داسىنا قارسى ارنايى وكىلى لاۋازىمىنا تاعايىندالعانى تۋرالى ەقىۇ باس حاتشىسى لامبەرتو زاننەردىڭ حاتى كەلىپ ءتۇستى.  بۇل قازاقستاننىڭ ەقىۇ قۇرىلىمىندا جوعارى دەڭ­گەيدە وكىلدىك ەتۋى جانە ۇيىم شەڭبەرىندەگى جەمىستى ىنتى­ماق­تاستىق پەن 2010 جىلعى ءساتتى توراعالىعىمىزدىڭ ناتيجەسى بولىپ تابىلادى. 2013 جىلعى مامىردا ءمادينا بينەشقىزى ەقىۇ-نىڭ ۋكرايناداعى جوبا­لارىنىڭ ۇيلەستىرۋشىسى دەگەن ماڭىزدى لاۋازىمعا تاعايىن­دالعان بولاتىن. ءمادينا جاربوسىنوۆا – كاسىبي ديپلومات, قازاقستان سىرتقى ىستەر مينيسترلىگى قۇرىلعان كۇن­نەن سوندا جۇمىس ىستەپ, ءتۇرلى جوعارى لاۋازىمداردا قىزمەت اتقاردى. 1998-1999 جىلدارى ول ۆيتسە-مينيستر قىزمەتىندە بو­لىپ, كەيىن ءتورت جىل بويى قازاق­ستاننىڭ بۇۇ جانىنداعى تۇراقتى وكىلى جانە كۋباداعى ەلشى­سى رەتىندە جۇمىس ىستەدى. ەلگە ورالعاننان كەيىن, ءسىم-ءنىڭ ەرەكشە تاپسىرمالار جونىندەگى ەلشىسى قىزمەتىنە تاعايىندالىپ, ادام قۇقىقتارى مەن ادامي ولشەمدەر ماسەلەلەرىمەن اينالىستى. اتاقتى مەديك, ەسىمىن رەسپۋبليكا جۇرتشىلىعى وسى كۇنگە دەيىن ەرەكشە ىلتيپاتپەن اتايتىن بينەش وراز ۇلى جاربوسىنوۆ سياقتى جىلى جۇرەكتى جان وتباسىندا ومىرگە كەلىپ, ءوزىنىڭ قاراپايىم مىنەزى, تاباندى ەڭبەگىمەن وسىنداي بيىككە كوتەرىلگەن قازاق قىزىنا ريزاشىلىق سەزىمىمىزدى بىلدىرەمىز. ەڭبەگى تابىستى بولۋىنا تىلەكتەسپىز. «ەگەمەن-اقپارات».