جەدەل ءىس-شارالاردى جامبىل وبلىسى پوليتسيا دەپارتامەنتىنىڭ قىزمەتكەرلەرى وبلىستىق ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسىپ وتكىزدى. شارۋا قوجالىعىنىڭ اۋماعىندا ءتىنتۋ جۇرگىزۋ بارىسىندا سارايدان جالپى سالماعى 73 كەلى 120 گرامم كەپتىرىلگەن ماريحۋانا جانە سالماعى 570 گرامم گاشيش ەسىرتكى زاتى بار 8 پوليپروپيلەن قابى مەن پوليەتيلەن پاكەتى تابىلىپ, تاركىلەندى. ۇستالعاندار ءوز كىناسىن تولىق مويىندادى. ولار مەركى اۋدانىنىڭ ۋاقىتشا ۇستاۋ يزولياتورىنا قاماۋعا الىندى.
ۇستالعان 38 جاستاعى ازامات بۇرىن بىرنەشە رەت سوتتى بولعان.
– وسى دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى (ەسىرتكى قۇرالدارىن اسا ءىرى مولشەردە وتكىزۋ ماقساتىندا زاڭسىز ساقتاۋ) بويىنشا سوتقا دەيىنگى تەرگەپ-تەكسەرۋ امالدارى باستالدى. بۇل باپتا مۇلكى تاركىلەنىپ, ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان, – دەدى جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ.
