جوبا اياسىندا العاشقىلاردىڭ ءبىرى بولىپ جانات مۇسابەكوۆا مەن مايسا سۇلتانوۆا شالعايداعى مويىنقۇم اۋدانىنا باردى. ولار اتالعان اۋداننىڭ ايدارلى اۋىلىنداعى «بالاپان», قۇموزەك ەلدى مەكەنىندەگى «بالاۋسا» جانە شىعاناقتاعى مەكتەپكە دەيىنگى ءبىلىم بەرۋ مەكەمەسىنە كەلىپ, بالدىرعاندار ءۇشىن قىزىقتى سانالاتىن ءتۇرلى تاقىرىپتاعى ەرتەگىلەر مەن اڭىز اڭگىمەلەردى ايتىپ بەردى.
«اناعا تاعزىم» ورتالىعىنىڭ باسشىسى ەلميرا مىرزاعاليدىڭ ايتۋىنشا, ءا دەگەننەن-اق بالالار اجەلەر ايتقان ەرتەگىلەردى ۇيىپ تىڭداپ, زور قىزىعۋشىلىق تانىتقان. جوبا الداعى ۋاقىتتا ءوڭىردىڭ بارلىق اۋدانىن قامتىماق.
«بۇگىندە بالالاردىڭ بارلىعى دا سمارتفونعا تاۋەلدى. تەلەفونعا تەلمىرگەن ۇرپاقتىڭ ەرتەگى تىڭداعانى دۇرىس. سول ارقىلى وي-ءورىسى داميدى, تانىمى ارتا تۇسەدى. ودان بولەك, ءتىل بايلىعى تولىسادى. وسىنىڭ ءبارىن ەسكەرگەندىكتەن ەكى تاراپ كەلىسە كەلە, جاڭا جوبانى قولعا الىپ وتىرعان جايىمىز بار. كەزىندە ءبارىمىز دە اجەلەردىڭ, انالاردىڭ ەرتەگىسىن تىڭداپ وستىك قوي. سول تۇرعىدان الىپ قاراعاندا بۇل ەسكىنىڭ جاڭاشا سيپاتتا جاڭارۋى دەپ تۇسىنگەن دۇرىس شىعار», دەيدى «اناعا تاعزىم» ورتالىعىنىڭ ديرەكتورى ە.مىرزاعالي.
تاراز
