وقۋشىلار وتىز تەڭگەمەن قاتىنايدى

جولاقىسىنىڭ قىمبات بولۋى باس­قانى بىلاي قويعاندا اتا-انالارعا وڭاي سوققان جوق. بىرنەشە بالاسىن اۋدان ورتالىعىنداعى گيمنازيا مەن ليتسەيگە وقۋعا جىبەرەتىن لۋگوۆويلىقتار شىعىنعا باتقانىن ۇدايى ايتىپ جۇرەتىن. اۋدان باسشىسى ەرنار ەسىركەپوۆتىڭ باستاماسىمەن وتكىر ماسەلە ءوز شەشىمىن تاپتى.

ەندى ەكى اۋىل ورتاسىندا سەگىز بىردەي اۆتوبۋس قاتىنايدى. ماسەلەنىڭ وڭىنان شەشىلۋى ءۇشىن «كونتسەرن-قازقۇرىلىسسيتي» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ايتجان جۇمابەكوۆپەن جەر­گىلىكتى اتقارۋشى بيلىك اراسىندا كەلى­سىمشارت جاسالدى. قوعامدىق كولىك ەندى ەرەسەكتەردى 60 تەڭگەلىك تاريفپەن تاسىمالداسا، وقۋشىلار ءۇشىن جولاقىسى 30 تەڭگە بولىپ بەكىتىلدى. وسىلايشا، ما­ڭىزدى ماسەلە ءوز شەشىمىن تاپتى.

«بۇل ماسەلەنى ەكى اۋىلدىق وكرۋگ تۇرعىندارىنىڭ كوتەرىپ جۇرگەنىنە ءبىراز ۋاقىت بولدى. راسىندا دا، ءبىر ۇيدەن بىرنەشە بالانىڭ قاتىناپ وقيتىنىن ەسكەرسەك، ولاردىڭ جولاقىسى مەن تاما­عىنا اجەپتەۋىر شىعىن كەتەدى ەكەن. ال ەكى اۋىلداعى حالىقتىڭ جالپى سانى 30 مىڭنان اسسا، ولاردىڭ 6 مىڭعا جۋىعى مەكتەپ وقۋشىلارى ەكەنىن ايتا كەتكەن ءجون. قىسقاسى، وتكىر ماسەلەنى دەر كەزىندە شەشكەنىمىز دۇرىس بولدى»، دەيدى اۋدان اكىمى ەرنار ەسىركەپوۆ.

راسىندا دا، لۋگوۆويدان قۇلانعا قا­تىناپ وقيتىن وقۋشىلاردىڭ قاتارى باسىم. سوڭعى كەزدەرى قىمباتشىلىقتان قاۋساپ قالعان جۇرتشىلىق قوعامدىق كولىك ماسەلەسىن ءجيى ايتا باستاعان ەدى. جەرگىلىكتى اتقارۋشى بيلىكتىڭ حالىق تالابىنا نازار اۋدارعانى قۋانتىپ وتىر.

جامبىل وبلىسى،

تۇرار رىسقۇلوۆ اۋدانى