دەپۋتاتتار ارنايى قۇرىلعان جەدەل شتابتا توتەنشە جاعدايدىڭ جاي-جاپسارىن تالقىلادى. شتاب جۇمىسىنا وبلىس باسشىلىعىنىڭ, بارلىق تەحنيكالىق قىزمەتتىڭ, ەنەرگەتيكالىق كاسىپورىنداردىڭ جانە ەنەرگەتيكا مينيسترلىگىنىڭ وكىلدەرى قاتىستى.
ءماجىلىس دەپۋتاتى ارتۋر پلاتونوۆ بۇگىندە گۋمانيتارلىق كومەكتى جەتكىزۋ جۇمىسى بەلسەندى ءجۇرىپ جاتقانىن اتاپ ءوتتى.
«پارتيا تۇرعىندارعا كومەك كورسەتۋ ىسىنە بەلسەندى اتسالىسىپ جاتىر. ءموبيلدى بريگادالاردىڭ قۇرامىنداعى قوعام بەلسەندىلەرى ءۇي-ءۇيدى ارالاپ ءجۇر. جالعىز تۇرىپ جاتقان زەينەتكەرلەر, ەرەكشە قاجەتتىلىگى بار ازاماتتار, مۇقتاج وتباسىلار تۋرالى اقپارات جينالۋدا», دەدى ول.
وسى كۇنى دەپۋتاتتار قالا تۇرعىندارى ءۇشىن جىلىتۋ پۋنكتى ورنالاسقان №36 مەكتەپكە باردى. قالادا ءدال وسىنداي 12 پۋنكت اشىلدى. سونداي-اق حالىق قالاۋلىلارى ەكىباستۇزداعى قالالىق اۋرۋحاناعا باردى. قازىرگى ۋاقىتتا مۇندا 240 ەمدەلۋشى بار.
«تەراپيا جانە پەدياتريا بولىمشەلەرىنىڭ جۇمىسىمەن تانىستىم. اۋرۋحانا شتاتتىق رەجىمدە جۇمىس ىستەپ جاتىر. جوسپارلى جانە جەدەل جەتكىزىلگەن ەمدەلۋشىلەردى قابىلدايدى», دەدى ءماجىلىس دەپۋتاتى ايگۇل نۇركينا.
ءماجىلىس دەپۋتاتى ەرلان سايروۆ كىنالى ادامداردى جاۋاپقا تارتۋ ماسەلەسى تۋرالى ويىن ءبىلدىردى. «ەلىمىزدىڭ ەنەرگەتيكالىق اكتيۆتەرىنە اۋديت جۇرگىزۋ قاجەت. تۇسكەن قارجىنى جاڭعىرتۋعا ەمەس, ءوز قالتاسىنا سالعان ازاماتتار زاڭ الدىندا جاۋاپقا تارتىلۋى قاجەت», دەپ اتاپ ءوتتى ەرلان سايروۆ. ال ءماجىلىس دەپۋتاتى ۆەرا كيم ەكىباستۇزدا ازاماتتارعا كومەك كورسەتۋ ءۇشىن «جاستار رۋحى» جاستار قاناتىنىڭ ۆولونتەرلەر شتابى جۇمىس ىستەپ جاتقانىن جەتكىزدى.
ەكىباستۇزدا اپاتتىق-قالپىنا كەلتىرۋ جۇمىسى جالعاسىپ جاتىر.
