«ۇلكەن سۇرانىس كۇتىلەتىنىن ەسكەرە وتىرىپ, رەاكتورلار كوپ مولشەردە سالىنادى دەگەن ويدامىز, قازاتومونەركاسىپ تە ورنىندا وتىرمايدى. ءبىز - سوڭعى 10 جىلداعى ەڭ ءىرى ءوندىرۋشىمىز. بىزدە ۋران ءوندىرۋدىڭ ەڭ ەكولوگيالىق ءادىسى بار», دەدى اسقار باتىرباەۆ سوچيدە ءوتىپ جاتقان «اتومەكسپو-2022» حالىقارالىق فورۋمى بارىسىندا.
ول سونداي-اق ەلىمىزدىڭ ۋران قورى جايلى بىرقاتار اقپارات بەردى.
«قازاقستان - ۋران ءوندىرۋ كولەمى بويىنشا ەكىنشى ورىندا. بىزدە الەمدىك قورلاردىڭ 12%-ى بار. بارلانعان قورلار - 125 مىڭ توننانى, ال رەسۋرستار - 785 مىڭ توننانى قۇرايدى», دەدى اسقار باتىرباەۆ.
ايتا كەتسەك, قازاتومونەركاسىپتىڭ وكىلى فورۋمعا قاشىقتان قاتىسىپ جاتىر.
سوچيدە «سيريۋس» عىلىم جانە ونەر پاركىندە «اتومەكسپو-2022» حالىقارالىق فورۋمى – الەمدىك اتوم سالاسىنىڭ نەگىزگى كونگرەسس-كورمە ءىس-شارالارىنىڭ ءبىرى جۇمىسىن باستادى.
فورۋم اياسىندا مەملەكەتتىك قۇرىلىمداردىڭ باسشىلارى, الەمدىك اتوم يندۋسترياسىنىڭ ءىرى ۆەندورلارى مەن كومپانيالارى, قوعامدىق ۇيىمدار مەن حالىقارالىق ساراپشىلار اتوم تەحنولوگيالارى مەن يننوۆاتسيالىق دامۋدىڭ وزەكتى ماسەلەلەرىن تالقىلايدى.
