«تابيعاتى وزگەشە تالانت يەسى» تاقىرىبىنداعى ادەبي-سازدى كەشكە ۇلاسقان ءىس-شارادا ءسوز العان اۋدان اكىمى نۇربول جۇنىسبەكوۆ جەرلەس اقىننىڭ شىعارمالارى تۋرالى وي قوزعاپ, بايماحانبەت احمەتتىڭ كەۋدەسىنە «تالاس اۋدانىنا سىڭىرگەن ەڭبەگى ءۇشىن» توسبەلگىسىن تاقتى.
كەيىننەن اۋدان اكىمى نۇربول جۇنىسبەكوۆ, جازۋشى ەلەن ءالىمجان, «Aulieata-Media» جشس-نىڭ باس ديرەكتورى ورالحان ءداۋىت, قازاقستان جازۋشىلار وداعى جامبىل وبلىستىق فيليالىنىڭ ديرەكتورى حاميت ەسامان, اقىن, قازاقستان جازۋشىلار وداعىنىڭ مۇشەسى عايني الىمبەكوۆا باستاعان قوناقتار ەكى بىردەي جيناقتىڭ تۇساۋىن كەستى.
ءىس-شارا بارىسىندا جەرگىلىكتى قالامگەرلەر بايەكەڭە دەگەن ىقىلاستارىن ىستىق لەبىزدەرى ارقىلى جەتكىزىپ, قالامگەردىڭ دەنىنە ساۋلىق, قالامىنا قۋات تىلەدى. ءوز كەزەگىندە كەش يەسى «ەلگە سالەم» اتتى ولەڭىن وقىپ, جەرلەستەرىنىڭ قوشەمەتىنە بولەندى.
كەيىننەن ءسوز العان ب.احمەت مادەنيەت ۇيىنە جينالعان جۇرتشىلىق تاراپىنان قويىلعان ءتۇرلى ساۋالدارعا جان-جاقتى جاۋاپ بەرىپ, كىتاپتىڭ تانىستىرىلىمىنا كەلگەن قوناقتارعا, ءىس-شارانى ۇيىمداستىرعان جەرگىلىكتى اتقارۋشى بيلىككە دەگەن ريزاشىلىعىن جەتكىزدى.
جامبىل وبلىسى,
تالاس اۋدانى
