قازاقستان رەسپۋبليكاسى ۇكىمەتىنىڭ قاۋلىسى №469

2014 جىلعى 11 مامىر,  استانا, ۇكىمەت ءۇيى قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمە ەكيپاجىنىڭ قۇرامىنا شەتەلدىكتەر مەن ازاماتتىعى جوق ادامداردىڭ كىرۋ مۇمكىندىگىنىڭ شارتتارىن بەكىتۋ تۋرالى «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسىنىڭ زاڭى 25-بابىنىڭ 2-تارماعىنا جانە «ىشكى سۋ كولىگى تۋرالى» 2004 جىلعى 6 شىلدەدەگى قازاقستان رەسپۋبليكاسىنىڭ زاڭى 34-بابىنىڭ 3-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمە ەكيپاجىنىڭ قۇرامىنا شەتەلدىكتەر مەن ازاماتتىعى جوق ادامداردىڭ كىرۋ مۇمكىندىگىنىڭ شارتتارى (بۇدان ءارى – شارتتار) بەكىتىلسىن. 2. وسى قاۋلى شارتتاردىڭ 2015 جىلعى 1 قاڭتاردان باستاپ قولدانىسقا ەنگىزىلەتىن 1-تارماعىنىڭ 2) تارماقشاسىن قوسپاعاندا, العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 11 مامىرداعى №469 قاۋلىسىمەن بەكىتىلگەن قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمە ەكيپاجىنىڭ قۇرامىنا شەتەلدىكتەر مەن ازاماتتىعى جوق ادامداردىڭ كىرۋ مۇمكىندىگىنىڭ شارتتارى 1. قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمەگە شەتەلدىكتەر مەن ازاماتتىعى جوق ادامداردى قازاقستان رەسپۋبليكاسىندا ەڭبەك قىزمەتىن جۇزەگە اسىرۋ ءۇشىن جۇمىسقا قابىلداۋ مىناداي شارتتاردى ساقتاي وتىرىپ, قازاقستان رەسپۋبليكاسىنىڭ شەتەلدىك جۇمىس كۇشىن تارتۋ سالاسىنداعى زاڭناماسىنا سايكەس جۇزەگە اسىرىلادى: 1) شەتەلدىكتەر مەن ازاماتتىعى جوق ادامداردى ىشكى سۋلاردا جۇزەتىن كەمەنىڭ كاپيتانى, كەمە كاپيتانىنىڭ اعا كومەكشىسى, اعا مەحانيك جانە راديو ماماندارى لاۋازىمدارىنا تاعايىنداۋعا بولمايدى; 2) شەتەلدىكتەر مەن ازاماتتىعى جوق ادامداردى تەڭىز كەمەسىنىڭ كاپيتانى, كاپيتاننىڭ اعا كومەكشىسى جانە اعا مەحانيك لاۋازىمىنا تاعايىنداۋعا بولمايدى; 3) كەمەگە شەتەلدىكتەر مەن ازاماتتىعى جوق ادامداردى جۇمىسقا قابىلداۋ كەمەدە بوس جۇمىس ورىندارى بار بولعاندا جانە ىشكى ەڭبەك نارىعىندا جەكەلەگەن كاسىپتەر مەن بىلىكتىلىكتەر بويىنشا قىزمەتكەرلەرگە سۇرانىستى قاناعاتتاندىرۋ مۇمكىندىگى بولماعان كەزدە جۇزەگە اسىرىلادى; 4) قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمە ەكيپاجىنىڭ قۇرامىنا ەڭبەك قىزمەتىن جۇزەگە اسىرۋ ءۇشىن تارتىلاتىن شەتەلدىكتەر مەن ازاماتتىعى جوق ادامداردىڭ ءبىلىم دەڭگەيى (كاسىپتىك دايارلىعى) جانە ەڭبەك ءوتىلى قازاقستان رەسپۋبليكاسىنىڭ زاڭناماسىنا سايكەس ساۋدا ماقساتىندا تەڭىزدە ءجۇزۋ مەن ىشكى سۋ كولىگى سالاسى ماماندارىنىڭ لاۋازىمدارىنا قويىلاتىن تالاپتارعا ساي بولۋعا ءتيىس; 5) كەمەگە جۇمىسقا قابىلداناتىن شەتەلدىك ازاماتتار مەن ازاماتتىعى جوق ادامداردىڭ كاسىپتىك دايارلىعىنىڭ جانە قۇزىرەتتىلىگىنىڭ دەڭگەيى: قازاقستان رەسپۋبليكاسىنىڭ قولدانىستاعى حالىقارالىق شارتتارىنا سايكەس قازاقستان رەسپۋبليكاسى تانيتىن ءبىلىم بەرۋ تۋرالى قۇجاتپەن جانە قاجەت بولعان جاعدايدا ءبىلىمى تۋرالى قۇجاتتىڭ نوتاريالدى راستالعان مەملەكەتتىك نەمەسە ورىس تىلدەرىندەگى اۋدارماسىمەن; جۇمىس بەرۋشى كۋالاندىرعان قىزمەتكەردىڭ ەڭبەك قىزمەتىن راستايتىن قۇجاتتارمەن راستالادى; 6) قازاقستان رەسپۋبليكاسىنىڭ مەملەكەتتىك تۋىن كوتەرىپ جۇزەتىن كەمەگە جۇمىسقا قابىلداناتىن شەتەلدىكتەر مەن ازاماتتىعى جوق ادامداردىڭ: دەنساۋلىق جاعدايى بويىنشا مۇنداي جۇمىسقا جارامدىلىعىن راستايتىن مەديتسينالىق كوميسسيانىڭ قورىتىندىسى; شەتەلدىكتەر ءۇشىن – جارامدى شەتەلدىك پاسپورت, ءبۇل رەتتە قازاقستان رەسپۋبليكاسى ولاردىڭ مەملەكەتتەرىمەن كەلۋدىڭ جانە بولۋدىڭ ۆيزاسىز ءتارتىبى تۋرالى كەلىسىم جاساماعان شەتەلدىكتەر ءۇشىن – قازاقستان رەسپۋبليكاسىنىڭ قولدانىستاعى زاڭناماسىنا سايكەس ءتيىستى ۆيزاسى; ازاماتتىعى جوق ادامدار ءۇشىن – ازاماتتىعى جوق ادامنىڭ كۋالىگى نەمەسە ازاماتتىعى جوق ادامنىڭ قۇقىقتىق مارتەبەسىن راستايتىن, شەت مەملەكەت بەرگەن شەتەلدىك پاسپورت بولۋعا ءتيىس.