«ۋپاكجۋم» جاۋاپكەرشىلىگى شەكتەۋلى سەرىكتەستىگىنىڭ جۇمىسىن ورگە دومالاتىپ وتىرعان ازامات «تارا-اسا» باعىتىنداعى جول بويىندا جاڭا تسەحتىڭ جۇمىسىن جانداندىرۋعا نيەتتى. كاسىپكەردىڭ سوزىنە سۇيەنسەك, قۇرىلىس جۇمىستارىن جۇرگىزۋ ءۇشىن 80 ملن تەڭگە شاماسىندا قاراجات جۇمسالعان. تسەحتا جەرگىلىكتى سەگىز ازامات ەڭبەك ەتەدى. ولاردىڭ تابىسى سالىستىرمالى تۇردە ايتار بولساق, جامان ەمەس.
«ازيا قۇرلىعىنداعى تايلاند, قىتاي سەكىلدى وزگە دە كوپتەگەن مەملەكەتتە قايتا وڭدەۋ تەحنولوگياسىنا باسىمدىق بەرىلگەنى ءمالىم. وسىنداي وڭتايلى تاسىلدەردى وڭىنان پايدالانعاننان ۇتپاساق, ۇتىلمايمىز. ول دالەلدەۋدى قاجەت ەتپەيتىن اكسيوما ىسپەتتى. سول سەبەپتى دە كاسىپكەر وسىنداي قادامعا بارىپ وتىر. كاردونى بار, باسقاسى بار, كەز كەلگەن قوقىس قاعازى ارنايى سۇزگىدەن وتكىزىلەدى. كەيىننەن باسسەيندەر ارقىلى قالىپقا كەلتىرىلەدى. تازارتىلىپ, كوبىك كۇيگە دەيىن جەتكەن قوقىس قاعازدارى كەيىننەن قۇرىلعىلار ارقىلى قالىپكە تۇسەدى. سوڭىرا جۇمىرتقا ورنالاستىرعىش لاتوكتار دايىندالادى.
ۇزىندىعى 80 مەترگە جەتەتىن رەلستىك تەحنولوگيامەن 200 گرادۋستاعى پەش ارقىلى تاۋلىگىنە 3 توننا قوقىس قاعازدارىن پايدالانۋ ارقىلى 40 مىڭ دانا لاتوك شىعارىلىپ جاتىر. مۇنىڭ ءوزى ۇلكەن جۇمىس ەكەنىن ايتا كەتكەن ءلازىم. بۇگىنگى تاڭدا شيكىزات اقتوبە, شىمكەنت, الماتى, تالدىقورعان, پەتروپاۆل قالالارىنا جونەلتىلۋدە», دەيدى جامبىل اۋدانىنىڭ اكىمى ەرلان قىدىرالى ۇلى جاڭا تسەحتىڭ جۇمىسى جايلى پىكىرىمەن ءبولىسىپ.
سەرىكتەستىك قاعازدىڭ كيلوگرامىن 70 تەڭگەدەن قابىلدايدى. ال مۇندا ەڭبەك ەتەتىن جۇمىسشىلاردىڭ جالاقىسى اي سايىن ەمەس, كۇندەلىكتى تولەنەدى. ولار تاۋلىگىنە 7-10 مىڭ تەڭگە شاماسىندا تابىس تاۋىپ وتىر.
ء«وڭىر باسشىسى نۇرجان نۇرجىگىتوۆ جەرگىلىكتى كاسىپكەرلەردى قولداۋ كەرەكتىگىن ۇدايى ايتىپ كەلەدى. بۇگىندە سول باعىتتا جۇمىس ىستەپ جاتىرمىز. جالپى اۋداننىڭ دامۋ جوسپارىندا كورسەتىلگەن بىرنەشە تىڭ جوبا بار بولسا, بۇل تسەحتىڭ اشىلۋى دا سول جوبامىزعا ساي كەلىپ تۇر», دەيدى جامبىل اۋدانىنىڭ اكىمى ەرلان قىدىرالى ۇلى.
جامبىل وبلىسى,
جامبىل اۋدانى
