بيىلعى وقۋ جىلىندا جامبىل وبلىسى بويىنشا 9349 وقۋشى مەكتەپ ءبىتىرىپ, بۇل كۇنى بارلىق ءبىلىم شاڭىراقتارىندا سوڭعى قوڭىراۋ سوعىلدى. تارىداي بولىپ كىرىپ, تاۋداي بولىپ شىققان بۇل وقۋشىلار سوڭعى قوڭىراۋ جيىنىندا التىن ۇيا – مەكتەپتەرىمەن قيماي-قيماي قوشتاستى. «ءبىز ساپالى ءبىلىم, ادال ەڭبەگىمىزبەن ەلدىڭ دامۋىنا ءوز ۇلەسىمىزدى قوسامىز. مەن پسيحولوگ ماماندىعىن تاڭداپ وتىرمىن. بۇل ادامعا سەنىم, ءۇمىت بەرەتىن, جانىنا ۇنەمى قولداۋ كورسەتىپ وتىراتىن ماماندىق. كەشە عانا مەكتەپ تابالدىرىعىن اتتاعان سياقتى ەدىك, مىنە, ەندى ۇلكەن ومىرگە جولداما الىپ وتىرمىز.
سوڭعى قوڭىراۋ مەنىڭ ماڭگى ەسىمدە قالادى. بىزگە ءبىلىم بەرگەن ۇستازدارىمىزعا مىڭ العىس. لايىم, ارمان ارقالاعان قۇربى-قۇرداستارىمنىڭ بارىنە ساتتىلىك تىلەيمىن», دەيدى ءجۇزى قۋانىشتان بال-بۇل جانعان تاراز قالاسىنداعى №5 مەكتەپ تۇلەگى ىڭكار سوۆەتوۆا.
بۇگiنگi زامان – بiلiمدiنiڭ زامانى. تاۋەلسىز ەلىمىزدە جاس تۇلەكتەردىڭ ينتەللەكتۋالدىق جانە شىعارماشىلىق قابىلەتتەرىن كورسەتۋگە بارلىق جاعداي جاسالعان. ەندى الدا ۇلكەن سىن تۇر. بيىل جامبىل وبلىسىنداعى مەكتەپ ءبىتىرۋشى تۇلەكتەردىڭ 72,4 پايىزى ۇلتتىق بىرىڭعاي تەستىلەۋگە قاتىسۋعا نيەت ءبىلدىرىپ وتىر. ونىڭ 300-ءى «التىن بەلگىگە», 118-ءى ۇزدىك اتتەستاتقا ۇمىتكەر. جالپى, جامبىلدىق وقۋشىلاردىڭ بيىلعى وقۋ جىلىنداعى جەتىستىكتەرى ماقتان ەتۋگە تۇرارلىق. 2014 جىلعى رەسپۋبليكالىق ءپان وليمپيادالارى
مەن عىلىمي جوبا جارىسىنىڭ قورىتىندىسى بويىنشا وبلىس وقۋشىلارى كوماندالىق ەسەپتە ءى ورىندى يەلەندى. بيىلعى جىلى حالىقارالىق, رەسپۋبليكالىق دەڭگەيدەگى ءبىلىم سايىستارىندا وبلىس وقۋشىلارى بارلىعى 143 مەدالدى يەمدەندى. ونىڭ 37-ءسى التىن, 41-ءى كۇمىس, 65-ءى قولا مەدال.
سوڭعى قوڭىراۋ – جاستارعا ۇلكەن جاۋاپكەرشىلىك جۇكتەيدى, بويلارىنا رۋح, كۇش, سەنىم بەرەدى. ادامدى ەسەيتىپ, ارمانعا بولەيتىن ەرەكشە كۇن. بولاشاققا نىق قادام باسىپ, ازامات اتانعان جاستاردىڭ ساپارلارى ءساتتى بولسىن دەيىك.
ورالحان ءداۋىت,
«ەگەمەن قازاقستان».
جامبىل وبلىسى.
