ەۋرازيالىق ەكونوميكالىق وداقتان ۇلتتىق مۇددەمىزگە نۇقسان كەلمەيدى

استانا. 26 مامىر. ەۋرازيالىق ەكونوميكالىق وداقتىڭ قۇرىلۋى ەلىمىزدىڭ رۋحاني ومىرىنە,  ۇلتىمىزدىڭ مۇددەسىنە زيانىن تيگىزبەيدى. بۇل تۋرالى nur.kz حابارلادى. ەۋرازيالىق ەكونوميكالىق وداق قۇرۋ جونىندەگى كەلىسىم جوبالارىن تالقىلاۋ بارىسىندا حالىقارالىق قىزمەتتى جۇزەگە اسىرۋ جانە ارىپتەس مەملەكەتتەردىڭ ءۇشىنشى ەلدەرمەن كەلىسىمدەرىن دايارلاۋ, بەكىتۋ ءتارتىبى قاراستىرىلدى. ورتالىق كوممۋنيكاتسيالار قىزمەتىندە وتكەن بريفينگتە سىرتقى ىستەر ءمينيسترىنىڭ ورىنباسارى سامات ورداباەۆ: «ارىپتەس مەملەكەتتەرمەن ساياسي, گۋمانيتارلىق ىنتىماقتاستىق جالعاسىن تابادى. الايدا, وسى سالالارداعى ءبىزدىڭ قاتىناستار باسقا الاڭداردا داميتىن بولادى. ياعني, بۇل قارىم-قاتىناستار تاۋەلسىز مەملەكەتتەر دوستاستىعى, ۇجىمدىق قاۋىپسىزدىك تۋرالى شارت ۇيىمى اياسىندا جۇرگىزىلەدى», – دەدى. ۆيتسە ءمينيستردىڭ ايتۋىنشا, ەۋرازيالىق ەكونوميكالىق وداقتىڭ كەز كەلگەن ءىس-قيمىلى بويىنشا, ياعني, شەشىم قابىلداۋ, جۇزەگە اسىرۋ بارىسىندا ەل مۇددەسىنە نۇقسان كەلمەيدى. جولدىباي بازار. دەرەككوز: nur.kz. فوتو: i-news.kz.