قوعام • 25 قازان، 2022

«جاس ورەن» جەڭىمپازدارى

620 رەت كورسەتىلدى

رەسپۋبليكا كۇنىنە وراي كومپوزيتورلار مەن اقىن­دار اراسىندا وتكەن بالالار ءانى مەن پوەزيا­سىنا ارنالعان «جاس ورەن» رەسپۋبليكالىق بايقا­ۋى­نىڭ جەڭىمپازدارى انىقتالدى. جۇزدەن جۇيرىك شىق­قانداردىڭ جۇلدىزىن جاققان بايقاۋ مىقتىلارى ارنايى ديپلوم جانە اقشالاي سىيلىقپەن ماراپاتتالادى.

كوللاجدى جاساعان قونىسباي شەجىمباي، «EQ»

قازاقستان رەسپۋبليكاسى پرەزي­دەنتىنىڭ جانىنداعى ايەلدەر ىستەرى جانە وتباسى­لىق-دەموگرافيالىق سايا­سات جونىندەگى ۇلتتىق كو­ميس­سيا­نىڭ قولداۋىمەن ۇيىم­داس­تىرىلعان كونكۋرس 2022 جىل­دىڭ 15 شىلدەسى مەن 15 قازانى ارالىعىندا ءوتتى. باي­قاۋعا بار­لىعى 204 ءوتى­نىم ۇسى­نىلىپ، ونىڭ 133-ءى پوە­زيا، 71-ءى ءان اتا­لى­مىندا باي­گەگە ءتۇستى.

پرەزيدەنت جاريالاعان بيىل­عى بالا­لار جىلىندا وت­كىزىلىپ وتىرعان ايتۋلى جو­با­نىڭ بالالارعا ارنال­عان وتان­­دىق شىعارمالاردى دارىپ­تەۋ، بالا­لار اندەرى مەن ولەڭ­دەرىنىڭ رەپەرتۋارىن تولىق­تىرۋدا ءمانى زور. سونداي-اق ەلىمىزدەگى بالالار كومپوزيتورلارى مەن اقىنداردىڭ شى­عارمالارىن بالاباقشالار مەن مەكتەپتەرگە، بالا­لاردىڭ مۋزىكا مەكەمەلەرىنە ناسي­حات­تاۋدا ءھام شالعايداعى اۋىل­دىق كىتاپحا­نالارعا دەيىن قول­­جە­تىمدى قىلۋ ارقىلى رۋ­حا­ني-ادامگەرشىلىك قۇن­دىلىق­­تار­دى ارتتىرۋدا دا ماڭىزى ايرىق­شا. بۇل رەت­تە، وتانعا قىز­مەت ەتۋ، ەل مەن جەرگە دەگەن جو­­عا­رى پاتريوتتىق سەزىمدى قا­لىپ­تاستىراتىن ونەر تۋىن­دىلارىن شىعارۋ جانە وسى ار­قىلى ۇلتتىق رۋحا­نيات­قا ۇلەس قوسقىسى كەلە­تىن وتاندىق اۆتورلاردى قولداۋدىڭ قۇندى­لىعى ەرەك.

اقتوتى رايىمقۇلوۆا، امان­­­جول ءالتاي، مايرا ءىليا­­سوۆا، سەرىكزات دۇيسەن­عا­زين، قانات ايتباەۆ باس­تا­عان ونەر يەلەرىنىڭ قازى­لىق ەتۋى­مەن بايقاۋدىڭ باس جۇلدەسى قۇر­مانعازى اتىن­داعى الماتى مەم­لەكەتتىك كونسەرۆاتورياسى حور ديري­جەرلەۋ ءبولىمىنىڭ تۇلەگى، كومپوزيتور ەلميرا دەح­گانيدىڭ قان­جىعاسىنا بايلاندى. «بالالارعا ار­نالعان ءان» اتالىمى بويىنشا I ورىن­دى كومپوزيتور، ديري­جەر، مۋزىكاتانۋشى ءالى­بي ءابدىنۇروۆ (استانا)، ءىI ورىن­دى كومپوزي­تور، وڭدەۋ­شى سامات رىسپانبە­توۆ (ال­ماتى) پەن «باقجۇل­دىز» مە­ديا ورتا­لىعىنىڭ ۆوكال ءبولىمىنىڭ ۇستازى بەك­جان قايرات ۇلى (تالدىقورعان)، III ورىندى مادەنيەت قاي­راتكەرى، اقىن، سازگەر، پروديۋسەر باۋىرجان ەسەباەۆ (الماتى وبلىسى) پەن قازاق ۇلتتىق ونەر ۋنيۆەرسيتەتى مەكتەبىنىڭ 9-سىنىپ وقۋ­شىسى نۇريسلام دوسپاي (استانا قالاسى) ءوزارا ءبو­لىستى. ال «بالالار پوە­­زيا­سى» اتالىمىنداعى I ورىندى «حا­بار24» ارنا­سى باعدارلامالار ءبولى­مى­نىڭ اعا رەداكتورى جادى­را بايبۇلانوۆا (استانا قا­لا­­سى)، II ورىندى رەسپۋب­لي­كالىق «مۇنارا» گازەتىنىڭ باس رەداكتورى سەرىكبول حا­سا­نوۆ (استانا قالاسى) پەن قازاق­ستان جا­زۋشىلار ودا­عىنىڭ مۇشەسى دوستىق تىلەۋبەرگەنوۆ (قىزىلوردا وب­لىسى)، III ورىن­دى اقىن، جازۋشى، دراماتۋرگ بايان­عالي ءالىمجانوۆ (اقمو­لا وبلىسى) پەن اقىن، جۋرناليست ءنازيرا بەردالى (استا­نا قا­لاسى) يەلەندى. سونىمەن قاتار ولگا كاپ­لۋن، اي­سۇلۋ تاني، قۇرمەت سا­قاي، ال­پىس­باي حونج، قۋات احە­توۆ، ساعىنىش نا­ماز­شامو­ۆا بايقاۋدىڭ ديپلومانتى اتاندى.

«جاس ورەن» رەسپۋبلي­كالىق بايقا­ۋىنىڭ لاۋرەاتتارى مەن ديپلومانتتا­رىن ماراپاتتاۋ ءراسىمى ەلىمىزدىڭ تاۋەل­سىزدىك كۇنىنە ارنال­عان مەرەكەلىك گالا-كون­تسەرتتە وتە­دى دەپ جوسپارلانعان. اتال­عان شارا بارىسىندا جينال­عان جۇرت­شىلىق كون­كۋرس لاۋرەاتتارى مەن ديپ­­لو­مانتتارى­نىڭ شىعار­مالارىمەن تانىسا الادى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار