مەملەكەت باسشىسى: «ءححى عاسىردىڭ باسى جاڭا سىن-قاتەرلەرگە تولى بولىپ وتىر»

استانا. 23 مامىر. مەملەكەت باسشىسى ءVىى استانا ەكونوميكالىق فورۋم مەن داعدارىسقا قارسى ءىى دۇنيەجۇزىلىك كونفەرەنتسياسىندا ءححى عاسىردىڭ باسى قاۋىپتەر مەن جاڭا سىن-قاتەرلەرگە تولى بولىپ وتىرعانىنا نازار اۋداردى. بۇل تۋرالى akorda.kz حابارلادى. فورۋمدا سويلەگەن سوزىندە نۇرسۇلتان نازارباەۆ: «وسىدان 6 جىل بۇرىن باستالعان داعدارىس جويىلىپ كەتكەن جوق. جىل وتكەن سايىن ۇلعايىپ كەلەدى. ادامزات الەمدىك دامۋدىڭ مۇلدە جاڭا جوباسىن كۇتۋدە. مەن مۇنى 2009 جىلى-اق «داعدارىستىڭ كىلتى» جانە «بەسىنشى جول» دەگەن ماقالالارىمدا ايتقان ەدىم. بۇل سوڭىنان جاڭا الەم پايدا بولۋى ءتيىس, الەمدىك ءوسۋدىڭ ەسكى ۇلگىسىنىڭ داعدارىسى ەكەنىن ۋاقىت كورسەتىپ وتىر. ءبىز سونىڭ قارساڭىندا تۇرمىز», – دەدى. بۇدان كەيىن ءVىى استانا ەكونوميكالىق فورۋم جونىندە پىكىرىن بىلدىرگەن مەملەكەت باسشىسى جيىنعا قاتىسۋشىلارىنا تابىس تىلەي وتىرىپ: «بۇل فورۋم الەمدەگى ينكليۋزيۆتىك ءوسۋدى دامىتۋ مەن وعان جاعداي جاساۋ تۋراسىنداعى حالىقارالىق پىكىرتالاسقا ءوز ۇلەسىن قوسادى دەپ ءۇمىت ارتامىن», – دەدى. تاعى ءبىر ايتا كەتەر ءجايت, فورۋم قاتىسۋشىلارىنا بۇۇ باس حاتشىسى پان گي مۋن بەينەجولداۋ ارنادى. سونداي-اق, جيىن بارىسىندا الەمدىك قارجى-ەكونوميكالىق داعدارىسقا قاتىستى مالايزيا پرەمەر-ءمينيسترى ن.رازاك, بۇۇ ەكونوميكالىق جانە الەۋمەتتىك كەڭەسىنىڭ پرەزيدەنتى م.سايديك جانە نوبەل سىيلىعىنىڭ لاۋرەاتى م.يۋنۋس ءوز پىكىرلەرىن ءبىلدىردى. جولدىباي بازار. دەرەككوز: akorda.kz. فوتو: akorda.kz.