نادجيب تۋن رازاك: «ەۋرازيالىق ەكونوميكالىق وداق الەۋەتىن ەسكەرۋ قاجەت»

استانا. 23 مامىر. VII استانا ەكونوميكالىق فورۋمى مەن II دۇنيەجۇزىلىك داعدارىسقا قارسى كونفەرەنتسياسىنا قاتىسقان مالايزيا ۇكىمەتىنىڭ باسشىسى نادجيب تۋن رازاك ازيا مەملەكەتتەرىنىڭ ەكونوميكالىق ينتەگراتسياسى ەۋرازيالىق ەكونوميكالىق وداقتىڭ جاڭا نارىعىمەن تىعىز بايلانىس ورناتۋى ءتيىس دەپ مالىمدەدى. بۇل تۋرالى «قازاقپارات» حابارلادى. نادجيب تۋن رازاكتىڭ ايتۋىنشا, حالقى 170 ملن.-نان  اساتىن  قازاقستان, رەسەي جانە بەلورۋس ەلدەرىن  بىرىكتىرگەن ەۋرازيالىق ەكونوميكالىق وداق  ۇسىنعان جاڭا نارىقتاردى نىعايتۋ قاجەت. سونداي-اق, مالايزيا ۇكىمەتىنىڭ باسشىسى  ازيا ينتەگراتسياسىندا ەكونوميكالاردىڭ الەۋەتى مەن حالىقتىڭ ءومىر ءسۇرۋ دەڭگەيىن ارتتىرۋدا جانە ءتۇرلى باعىتتار بويىنشا بىرلەسكەن جۇمىستا بىرقاتار ۇلكەن مۇمكىندىكتەر مەن پەرسپەكتيۆالار بار ەكەنىن اتاپ ءوتتى. بۇدان بولەك, ول: «تاۋەكەلدەردى باسقارۋدى جانە كورپوراتيۆتىك باسقارۋدى كۇشەيتىپ, ينستيتۋتتسيونالدىق رەفورمالاردى جۇيەلى جۇرگىزۋ قاجەت», – دەدى. جولدىباي بازار. دەرەككوز: «قازاقپارات». فوتو: gerbangrost.com.