2022 جىلى ادەبيەت بويىنشا بۋكەر سىيلىعى شري-لانكا جازۋشىسى شەحان كارۋناتيلاكاعا بەرىلدى. قالامگەردىڭ «ماالي المەيدانىڭ جەتى ايى» رومانى قازىلار القاسىنىڭ شەشىمىمەن جۇلدەگە لايىقتى دەپ تانىلىپ, لوندونداعى سالتاناتتى شارادا تابىستالدى.
كارۋناتيلاكانىڭ كىتابى - اسكەري فوتوگراف ماالي المەيدانىڭ ولگەننەن كەيىنگى ومىردەگى شىتىرمان وقيعالارىن باياندايدى.
روماندا 1980 جىلداعى شري-لانكا سۋرەتتەلەدى. ونداعى باستى كەيىپكەر ماالي المەيدا - ءولى فوتوگراف, وعان ءبىر اپتا («جەتى اي») بەرىلەدى, وسى ۋاقىت ىشىندە ول اقىرەت پەن شىنايى الەم اراسىندا ساياحاتتاپ, شىندىقتى اشادى. بۇل شىندىق - شري-لانكاداعى ازاماتتىق سوعىستىڭ قاتىگەزدىگىن سۋرەتتەر ارقىلى اشكەرەلەۋ ەدى.
