شەكاراشىلاردىڭ جاڭارعان پاركى

قر ۇقك شەكارا قىزمەتىنىڭ استانالىق ارالاس اۆياتسيالىق ەسكادريلياسىندا قازاقستان رەسپۋبليكاسى ۇقك توراعاسى نۇرتاي ابىقاەۆتىڭ قاتىسۋىمەن جاڭا اۆياتسيالىق اسكەري تەحنيكا – اسكەري-كولىك «مي-171ش» تىكۇشاقتارى مەن ان-74ت-200ا اسكەري-كولىك ۇشاعى سالتاناتتى جاعدايدا تاپسىرىلدى. توراعا جاڭا اۆياتسيالىق تەحنيكا ەكيپاجدارى ءۇشىن ءبىرىنشى ۇشۋ تاپسىرماسىنا قول قويىپ, جەكە قۇرامدى اۆياتسيالىق پاركتىڭ تولىعۋىمەن قۇتتىقتادى. شەكارا قىزمەتىن قازىرگى زامانعى تەحنيكا جانە قارۋ-جاراقتارمەن قايتا جاڭعىرتۋ بويىنشا شارالاردى جوسپارلى تۇردە جۇزەگە اسىرۋدىڭ ماڭىزدىلىعىن اتاپ ءوتتى. جاڭا «مي-171ش» اسكەري-كولىگىنىڭ ەلىمىزدىڭ مەملەكەتتىك شەكاراسىن كۇزەتۋگە قاتىسىپ جاتقانىن دا اتاپ ءوتۋ كەرەك. قازاقستان رەسپۋبليكاسى ۇقك شەكارا قىزمەتى مەن «روسوبورونەكسپورت» ااق اراسىندا جاسالعان شارت اياسىندا 2014 جىلعى ءبىرىنشى توقساندا ۋلان-ۋدە اۆياتسيا زاۋىتىنان شەكارا قىزمەتىنىڭ قارۋلانۋىنا ەكى مي-171ش اسكەري-كولىك تىكۇشاقتارى الىندى, ال بىلتىر شەكارا قىزمەتى وسىعان ۇقساس 4 تىكۇشاق ساتىپ العان ەدى. ءوزىن كورسەتە بىلگەن مي-8 تىك­ۇشا­عىنىڭ وتە جاڭارتىلعان ناتيجەسى بولىپ تابىلادى. ەڭ اۋىر ۇشۋ سالماعى – 13 توننا, سونىمەن قاتار, جۇكتىڭ ەڭ اۋىر سالماعى – 4 توننا, كرەيسەرلىك ۇشۋ جىلدامدىعى – ساعاتىنا 230 كم, ەڭ جوعارعى ۇشۋ بيىكتىگى – 6000 م, ەڭ جوعارى ۇشۋ ۇزاقتىعى – 1065 كم, دەسانتتار سانى – 30 ادام. ۇشۋلاردى كۇندىز ءتۇنى, كۇر­دەلى مەتەورولوگيالىق جاع­داي­لاردا جاساۋعا مۇمكىندىك بەرەتىن قوسىم­شا جابدىقتار ورناتىلعان. تۇنگى كورۋ اسپاپتارى بار