كۇش بىرىكتىرىپ كۇرەسۋ كەرەك

ادامنىڭ ەسىن الاتىن ەسىرتكىگە قارسى كۇرەس كۇننەن-كۇنگە جاندانىپ كەلەدى. ويتكەنى, بۇل قاۋىپتى كەسەل الپاۋىتتى دەگەن ەلدەردىڭ دە ەسىن الىپ بارا جاتقان جايى بار. سوندىقتان, ونىمەن كۇرەس امالى ءبىر ەلدىڭ شەكاراسىنان شىعىپ, الەم بولىپ كىرىسۋگە ماجبۇرلەپ وتىر. مىنە, سونىڭ ءبىر كورىنىسىندەي, كەشە شانحاي ىنتىماقتاستىق ۇيىمىنا مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس بويىنشا وكىلەتتىكتەر بەرىلگەن قۇزىرەتتى ورگاندارى باسشىلارى كەڭەسىنىڭ ەسىرتكىگە قارسى سۇرانىستى تومەندەتۋ جونىندەگى ساراپشىلارى جۇمىس توبىنىڭ وتىرىسى بولىپ ءوتتى. وتىرىسقا شىۇ-عا مۇشە مەملەكەتتەردىڭ ەسىرتكىنىڭ زاڭ­سىز اينالىمىنا قارسى كۇرەس بويىن­شا قۇزىرەتتى ورگاندارى سا­راپشى­لارىنىڭ جۇمىس توبى مۇشەلەرى قاتىستى.  وندا, جوعا­رىدا ايتقانىمىزداي, وتە اۋقىم­دى ماسەلەلەر قارالدى. ماسە­لەن, سونىڭ ءبىرى رەتىندە شانحاي ىنتىماقتاستىق ۇيىمىنا مۇشە مەملەكەتتەردىڭ 2011-2016 جىل­د­ار­عا ارنالعان  ەسىرتكىگە قارسى ستراتەگياسىن ىسكە اسىرۋ بويىنشا تاراپتاردىڭ ۇسىنىستارى تالقىلاندى. سونداي-اق, ەسىرتكى قۇرالدارىن, پسيحوتروپ­تىق زاتتاردى جانە ولاردىڭ انالوگتارىن تۇتىنۋدى ەرتە انىقتاۋ ماقساتىندا ازامات­تاردىڭ جەكەلەگەن ساناتتارىن ەسىرتكىگە تەستى­­لەۋدى زاڭنامالىق رەتتەۋ, ەسىرتكىگە تاۋەلدىلەردى الەۋ­مەتتىك-پسيحولوگيالىق وڭال­­تۋ جانە ونى ۇكىمەتتىك ەمەس ۇيىم­دار­دىڭ كومەگىمەن جۇزەگە اسىرۋ مۇمكىندىگى ماسە­لەلەرى بويىنشا پىكىرلەر مەن تاجىريبە الماسىپ, سونداي-اق, ەسىرتكىگە قارسى سۇرانىستى تومەندەتۋ بويىنشا ناقتى ۇسىنىستار جاسالدى. ءبىزدىڭ ەلىمىز شىۇ-عا بەلسەندى قاتىسۋشى رەتىندە ناشاقورلىققا جانە ەسىرتكى بيزنەسىنە قارسى كۇرەستە جۇيەلى شارالار قابىل­داۋدا. سونىڭ ارقاسىندا  ناشا­قور­لىقتىڭ الدىن الۋ جۇيەسى دامىپ, ەسىرتكىگە تاۋەلدىلەردى ەمدەۋدىڭ تيىمدىلىگى ارتۋدا. ەسىرت­كىگە قارسى يممۋنيتەتتى قالىپ­تاستىرۋ ماسەلەلەرىمەن اينا­لىساتىن ۇكىمەتتىك ەمەس ۇيىم­دارمەن ءوزارا ءىس-قيمىل جانداندىرىلۋدا. ال شانحاي ىنتى­ماقتاستىق ۇيىمى (شىۇ) – ­­وڭىر­لىك حالىقارالىق ۇيىم, ونىڭ قۇ­رامىنا 6 مەملەكەت – قازاقستان, قىتاي, قىرعىزستان, رەسەي, تاجىك­ستان جانە وزبەكستان كىرەدى. شىۇ-نىڭ ماقساتى ءوزارا سەنىمدى, دوستىق پەن تاتۋلىقتى نىعايتۋ, ساياسي, ساۋدا-ەكونوميكالىق, عىلى­مي-تەحنيكالىق, مادەني, ەنەر­گەتيكالىق, ەكولوگيالىق جانە باسقا سالالاردا مۇشە مەملەكەتتەر اراسىندا ءتيىمدى ىنتىماقتاستىقتى كوتەرمەلەۋ, وڭىردە بەيبىتشىلىكتى, قاۋىپسىزدىكتى جانە تۇراقتىلىقتى قولداۋ جانە قامتاماسىز ەتۋ بويىنشا بىرلەسە كۇش سالۋ, جاڭا دەموكراتيالىق, ءادىل جانە ۇتىمدى ساياسي جانە ەكونوميكالىق ءتارتىپتى قۇرۋ بولىپ تابىلادى. مىنە, وسى ورايدا شانحاي ىنتىماقتاستىق ۇيىمىنا مۇشە مەملەكەتتەردىڭ ەسىرتكىنىڭ زاڭسىز اينالىمىنا قارسى كۇرەس بويىنشا وكىلەتتىكتەر بەرىلگەن قۇزىرەتتى ورگاندارى باسشىلارى كەڭەسىنىڭ ەسىرتكىگە قارسى سۇرانىستى تومەن­دەتۋ جونىندەگى ساراپشىلارى جۇمىس توبىنىڭ وتىرىسى قاي ەلگە بولماسىن ۇلكەن پايداسى بار. «قابىلدانىپ جاتقان شارالاردىڭ ناتيجەلىلىگىن سيپاتتايتىن ماڭىزدى فاكتور رەتىندە تەك قانا تۇراقتىلىقتى عانا ەمەس, سونىمەن بىرگە قازاقستاندا ەسىرتكىگە تاۋەلدىلەر سانىنىڭ قىسقارۋىن نازارعا العان ءجون. سوڭعى بەس جىلدا ولاردىڭ سانى 29 پايىزعا كەمىدى. باستاپقى پروفيلاكتيكا جۇمىسىندا قول جەتكىزىلگەن وڭ ناتيجە – ول ەسىرتكى تۇتىنۋشىلاردىڭ «جاس شامالارىنىڭ ۇلعايۋى». ال ءجاسوسپىرىم ناشاقورلاردىڭ سانى 60 پايىزعا دەيىن تومەندەدى», – دەپ اتاپ ءوتتى قازاقستان رەسپۋبليكاسى ءىىم ەسىرتكى بيزنەسىنە قارسى كۇرەس كوميتەتى توراعاسىنىڭ ورىنباسارى باقىتجان بەيسەەۆ. كەزدەسۋگە قاتىسۋشىلار تا­را­پىنان ناشا­قورلاردى مەدي­تسينالىق-الەۋمەتتىك وڭال­تۋدىڭ تولىققاندى جۇيەسى بويىنشا مازمۇندى ۇسىنىستار ايتىلدى. وسىعان وراي, قابىلدانعان شە­شىمدەر شىۇ-عا مۇشە مەملەكەتتەردە ەسىرتكىگە قارسى سۇرانىستى ءتو­مەندەتۋدىڭ ءتيىمدى كەشەندىك جۇيەسىن قالىپتاستىرۋ ماقساتىندا قۇزىرەتتى ورگانداردىڭ ەسىرتكىنىڭ زاڭسىز اينالىمىنا قارسى جۇمى­سىن ۇيلەستىرۋدىڭ نەعۇرلىم جوعا­رى دەڭگەيىنە قول جەتكىزۋگە جانە ناشا­قورلىقتىڭ الدىن الۋدى جەتىل­دىرۋگە مۇمكىندىك بەرەدى, – دەپ سەنەمىز الەكساندر تاسبولاتوۆ, «ەگەمەن قازاقستان».