ەلىمىزدە يننوۆاتسيالىق بەلسەندى كاسىپورىندار ۇلەسى بەس جىلدا ەكى ەسەگە ارتتى

استانا. 22 مامىر. 2009 جىلدان بەرى ەسەپتەگەندە ەلىمىزدە يننوۆاتسيالىق بەلسەندى كاسىپورىندار ۇلەسى ەكى ەسەگە كوبەيگەن. ۇكىمەت باسشىسىنىڭ ورىنباسارى, يندۋستريا جانە جاڭا تەحنولوگيالار ءمينيسترى اسەت يسەكەشەۆ VII استانا ەكونوميكالىق فورۋمى اياسىندا ۇيىمداستىرىلعان يننوۆاتسيالىق كونگرەستە وسىلاي دەدى. بۇل تۋرالى primeminister.kz حابارلادى. اسەت يسەكەشەۆتىڭ ايتۋىنشا, يننوۆاتسيالىق بەلسەندى كاسىپورىندار ۇلەسى 2009 جىلدان باستاپ 4 پايىزدان 8 پايىزعا دەيىن ارتقان. اسەت يسەكەشەۆ: «ۇدەمەلى يندۋستريالدىق-يننوۆاتسيالىق دامۋ باعدارلاماسىنىڭ ءبىرىنشى بەسجىلدىعىندا ءتيىستى رەفورمالار جۇرگىزىلدى, يندۋستريالدىق-يننوۆاتسيالىق قىزمەتتى قولداۋ تەتىكتەرى جاسالدى», – دەدى. ەندى, ۇكىمەت الدىندا ەكىنشى بەسجىلدىقتىڭ نەگىزگى تالابى – وڭدەۋشى ونەركاسىپتى6 يننوۆاتسيالىق سەكتورلاردى دامىتۋ ءۇشىن نەگىزدەر قۇرۋ مىندەتى تۇر. سونداي-اق,  ەكىنشى بەسجىلدىق باعدارلاماسى بويىنشا تەحنولوگيالىق قۇزىرەتتەردى جوعارىلاتۋ جانە يننوۆاتسيالارعا سۇرانىستى ىنتالاندىرۋ ءىسى قولعا الىنۋى ءتيىس. جولدىباي بازار. دەرەككوز: primeminister.kz. فوتو: gazeta.kz.