ەۋرازيالىق ەكونوميكالىق وداقتىڭ كەدەندىك كودەكسى 2016 جىلدىڭ قاڭتارىندا كۇشىنە ەنۋى ءتيىس

استانا. 22 مامىر. ەۋرازيالىق ەكونوميكالىق وداقتىڭ كەدەندىك كودەكسىن 2016 جىلدىڭ 1 قاڭتارىندا زاڭدىق كۇشىنە ەندىرۋدى قامتاماسىز ەتۋ جوسپارلانۋدا. VII استانا ەكونوميكالىق فورۋمى اياسىنداعى ىسكەرلىك كونگرەسس بارىسىندا ەۋرازيالىق ەكونوميكالىق كوميسسيانىڭ كەدەندىك ىنتىماقتاستىق ءمينيسترى ۆلاديمير گوشين وسىلاي دەدى. بۇل تۋرالى primeminister.kz حابارلادى. ۆلاديمير گوشين: «شىلدە ايىندا  ەۋرازيالىق ەكونوميكالىق وداقتىڭ كەدەندىك كودەكسىنىڭ جوباسىن جاساۋدى جوسپارلاپ وتىرمىز. قىركۇيەك ايىنىڭ سوڭىندا كەدەندىك كودەكس جوباسىن تۇزەۋ جانە رەسمي مەملەكەت ىشىندەگى كەلىسىم وتكىزۋ ءۇشىن ساراپشىلاردى جيناۋ كوزدەلگەن. ارى قارايعى جۇمىس 2016 جىلدىڭ 1 قاڭتارىنان باستاپ قۇجاتقا قول قويىلۋىن قامتاماسىز ەتۋ ءۇشىن جالعاسادى», – دەدى. جالپى, كەدەندىك كودەكس زاماناۋي تالاپتارعا سايكەس بولۋى ءتيىس. ەستەرىڭىزگە سالا كەتەيىك, اتالعان قۇجاتتى ءتۇزۋ جونىندەگى العاشقى ءىس-ارەكەتتەردى 2013 جىلدىڭ جەلتوقسانىندا ەۋرازيالىق ەكونوميكالىق كوميسسيانىڭ جۇمىس توبى باستاعان. جيىن بارىسىندا وسى كودەكس جونىندە ءوز ءسوزىن تولىقتىرا تۇسكەن ۆ.گوشين قۇجاتتىڭ جوباسىندا كورىنىس تاپقان جاڭا تاسىلدەردى اتاپ ءوتتى. سونداي-اق, ول قۇراستىرىلماعان نەمەسە بولشەكتەلىنگەن تۇردە تاسىمالداناتىن تاۋارلاردى كەدەندىك ماعلۇمداۋدى بىرىڭعايلاۋ; كەيبىر راسىمدەردىڭ مەرزىمدەرىن قىسقارتۋ قاراستىرىلعانىن دا اتاپ ءوتتى. جولدىباي بازار. دەرەككوز: primeminister.kz. فوتو: euraziancommission.org.