ەلىمىزدە 2018 جىلعا دەيىن تەحنيكالىق ماماندىقتار تاپشى بولادى

استانا. 22 مامىر. ءVىى استانا ەكونوميكالىق فورۋمىنىڭ پلەنارلىق سەسسياسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ەلىمىزدە 2018 جىلعا دەيىن تەحنيكالىق سالا بويىنشا ماماندىقتار جەتىسپەيتىنىن مالىمدەدى. بۇل تۋرالى primeminister.kz حابارلادى. تامارا دۇيسەنوۆانىڭ ايتۋىنشا, ەڭبەك رەسۋرستارىنداعى سۇرانىستاردى قاناعاتتاندىرۋ جانە ءوندىرىس پەن وقىتۋ اراسىندا تىكەلەي بايلانىس ورناتۋ ءۇشىن 2014 جىلدىڭ سوڭىنا دەيىن ەڭبەك نارىعىنداعى زاماناۋي تالاپتى ەسكەرە وتىرىپ, جاڭا ءبىلىم جىكتەۋشىسىن جاساۋ جوسپارلانعان. سونداي-اق, ول ابيىل 147 جۋىق كاسىبي ستاندارت جاسالاتىنىن اتاپ ءوتتى. تامارا دۇيسەنوۆا: «وتكەن جىلى 257 كاسىبي ستاندارت جاسالدى. جالپى,  2020 جىلعا دەيىن ەكونوميكا سالاسىنا قاتىستى 900 جۋىق كاسىبي ستاندارت جاساۋ كوزدەلگەن», – دەدى. بۇل شارالار ەڭبەك رەسۋرستارىنداعى سۇرانىستاردى قاناعاتتاندىرۋ ماقساتىندا جۇزەگە اسىرىلۋى ءتيىس. جولدىباي بازار. دەرەككوز: primeminister.kz. فوتو: news.nur.kz.