«قازاقستاننىڭ الداعى ەكىجىلدىق توراعالىعى كەزىندە وزىنە ماڭىزدى مىندەتتەر الىپ وتىر جانە كەڭەسكە مۇشە مەملەكەتتەردىڭ تىعىز ىنتىماقتاستىعى مەن قولداۋىنا سەنىم ارتادى», دەدى قاسىم-جومارت كەمەل ۇلى سامميت بارىسىندا.
پرەزيدەنتتىڭ ايتۋىنشا, اوسشك كەڭەسىن قۇرۋ دەر كەزىندە قابىلدانعان شەشىم بولدى.
ء«بىرىنشى, ەكونوميكالىق ولشەم. ءوزارا تۇراقتى بايلانىس جونىندەگى اوسشك كەڭەسىن قۇرۋ دەر كەزىندە قابىلدانعان شەشىم دەپ سانايمىن. جاھاندىق لوگيستيكالىق تىزبەكتەردىڭ ءۇزىلۋى ءتيىمدى كولىك-ترانزيت دالىزدەرىن قالىپتاستىرۋعا جاڭا كوزقاراسپەن قاراۋدى تالاپ ەتەدى. جۇك تاسىمالىنىڭ وڭتايلى ءارى قولجەتىمدى جولدارى – ەكونوميكامىزدىڭ تۇراقتى ءوسىمىنىڭ ماڭىزدى فاكتورى. كوممۋنيكاتسيا مەن جۇكتەردى جەتكىزۋدىڭ ارتاراپتاندىرىلعان باعىتتارىن پىسىقتاۋ ارقىلى كولىك-ترانزيت الەۋەتىن جۇزەگە اسىرۋعا ءمان بەرۋ ماڭىزدى», دەپ تۇيىندەدى مەملەكەت باسشىسى.
