مۇنايلى ماڭعىستاۋدا قارا التىندى ءوندىرۋ, ونىمدىلىگىن ارتتىرۋ باعىتىندا قولعابىس بەرەمىن دەپ بىلەك سىبانا ىسكە كىرىسكەن شەتەلدىك كومپانيالار كوپ, سولاردىڭ ءبىرى – «Maersk Oil» حالىقارالىق مۇناي جانە گاز كومپانياسى. 1962 جىلدان بەرى كۇردەلى, ءارى قورى از كەن ورىنداردى كوممەرتسيالىق جاعىنان ءساتتى جوباعا اينالدىرۋمەن اينالىساتىن ول دانيادا, كاتاردا, برازيليادا, الجيردە قىزمەت ەتەدى, انگولا, نورۆەگيا, اقش-تىڭ مەكسيكا شىعاناعى, گرەنلانديا, يراكتاعى كۇردىستان, وزگە دە مۇناي ءوندىرۋشى مەملەكەتتەردە بارلاۋ جۇمىستارىن جۇزەگە اسىرۋدا.
كومپانيانىڭ ماڭعىستاۋدا جۇمىس جۇرگىزە باستاعانىنا ون جىلدان استى. «پارتەكس كورپورەيشن» جانە «ومان ويل كومپاني ليميتەد» كومپانيالارىمەن بىرىگىپ دوڭعا بلوگىنىڭ 60 پايىزىن ساتىپ الۋ ارقىلى وعان وپەراتورلىق قۇقىققا يە. مۇندا جۇمىسپەن قامتىلعان 500-گە تارتا ادامنىڭ 70 پايىزى جەرگىلىكتى تۇرعىندار.
كومپانيا جۋىردا دوڭعا كەن ورنىن يگەرۋدىڭ ەكىنشى كەزەڭىن جۇزەگە اسىرۋ بارىسىندا جوسپارلانعان 198 ۇڭعىمانىڭ 100-ءىن بۇرعىلاۋدى اياقتادى. تەرەڭدىگى 1700 مەترگە جەتەتىن ءاربىر ۇڭعىمادان پايدالانۋى باستالعاننان كەيىن, تاۋلىگىنە 25 توننادان 50 تونناعا دەيىن مۇناي وندىرىلەدى دەپ بولجانۋدا. كەن ورنىن يگەرۋدىڭ ەكىنشى كەزەڭى ونداعى جالپى مۇناي ءوندىرىسىن 2016 جىلعا تامان تاۋلىگىنە 1000 توننادان 4000 تونناعا, جىلىنا 1 ملن. توننادان استام كولەمگە دەيىن ارتتىرۋعا مۇمكىندىك بەرەدى.
جوسپاردا 200-گە جۋىق جاڭا ۇڭعىمانى بۇرعىلاۋدان باسقا, 135 شاقىرىم جول مەن 180 شاقىرىم قۇبىر قۇرىلىسىن, 150 شاقىرىم ەلەكتر بەرۋ جەلىسىن مونتاجداۋدى, قۋاتتىلىعى 15مۆت قوسالقى ەلەكتر ستانساسى قۇرىلىسىن, مۇنايدى جيناقتاۋ, كەشەندى دايىنداۋ جانە ساقتاۋ ءۇشىن جاڭا وندىرىستىك نىساندار قۇرىلىسى بار. جوبانىڭ جالپى قۇنى 1 ميلليارد اقش دوللارىن قۇرايدى.
– ءبىز دوڭعا كەن ورنىن يگەرۋ جوباسىنىڭ ەكىنشى كەزەڭىن جۇزەگە اسىرۋداعى ماڭىزدى مارەگە جەرگىلىكتى سەرىكتەسىمىز – بۇرعىلاۋ جۇمىستارىن جاساۋ بويىنشا مەردىگەرىمىزبەن ىنتىماقتاستىقتىڭ ارقاسىندا جەتتىك. جوبا بويىنشا ورىندالۋدى قاجەت ەتەتىن تالاپ-مىندەتتەر كوپ, ءبىز جوبانى مەزگىلىندە, قاۋىپسىز جانە ءتيىمدى تۇردە ورىنداۋعا تىرىسامىز. جوبانى ۋاقتىلى جانە ءتيىمدى تۇردە ىسكە اسىرۋ كومپانيا مەن سەرىكتەستەرىنە عانا ەمەس, جالپى, ماڭعىستاۋ وبلىسى ءۇشىن قوسىمشا ارتىقشىلىقتاردى قامتاماسىز ەتەدى, – دەيدى Maersk Oil كومپانياسىنىڭ قازاقستانداعى باسقارۋشى ديرەكتورى كارستەن يەنسەن.
جۇمىسپەن قامتۋ, مۇناي ءوندىرۋ كولەمىن ارتتىرۋ, شەتەلدەن ينۆەستيتسيا تارتۋ باعىتىندا جۇمىستى ۇيلەستىرۋ – ماڭعىستاۋ ءوڭىرى ءۇشىن دە ماڭىزدى ماسەلە. دوڭعا كەن ورنىنىڭ دا, ونداعى كومپانيانىڭ دا وسى ىستەردىڭ جۇزەگە اسۋىنا سەبى تيەتىنى انىق.
گۇلايىم شىنتەمىرقىزى,
«ەگەمەن قازاقستان».
اقتاۋ.
كومپانيانىڭ ماڭعىستاۋدا جۇمىس جۇرگىزە باستاعانىنا ون جىلدان استى. «پارتەكس كورپورەيشن» جانە «ومان ويل كومپاني ليميتەد» كومپانيالارىمەن بىرىگىپ دوڭعا بلوگىنىڭ 60 پايىزىن ساتىپ الۋ ارقىلى وعان وپەراتورلىق قۇقىققا يە. مۇندا جۇمىسپەن قامتىلعان 500-گە تارتا ادامنىڭ 70 پايىزى جەرگىلىكتى تۇرعىندار.
كومپانيا جۋىردا دوڭعا كەن ورنىن يگەرۋدىڭ ەكىنشى كەزەڭىن جۇزەگە اسىرۋ بارىسىندا جوسپارلانعان 198 ۇڭعىمانىڭ 100-ءىن بۇرعىلاۋدى اياقتادى. تەرەڭدىگى 1700 مەترگە جەتەتىن ءاربىر ۇڭعىمادان پايدالانۋى باستالعاننان كەيىن, تاۋلىگىنە 25 توننادان 50 تونناعا دەيىن مۇناي وندىرىلەدى دەپ بولجانۋدا. كەن ورنىن يگەرۋدىڭ ەكىنشى كەزەڭى ونداعى جالپى مۇناي ءوندىرىسىن 2016 جىلعا تامان تاۋلىگىنە 1000 توننادان 4000 تونناعا, جىلىنا 1 ملن. توننادان استام كولەمگە دەيىن ارتتىرۋعا مۇمكىندىك بەرەدى.
جوسپاردا 200-گە جۋىق جاڭا ۇڭعىمانى بۇرعىلاۋدان باسقا, 135 شاقىرىم جول مەن 180 شاقىرىم قۇبىر قۇرىلىسىن, 150 شاقىرىم ەلەكتر بەرۋ جەلىسىن مونتاجداۋدى, قۋاتتىلىعى 15مۆت قوسالقى ەلەكتر ستانساسى قۇرىلىسىن, مۇنايدى جيناقتاۋ, كەشەندى دايىنداۋ جانە ساقتاۋ ءۇشىن جاڭا وندىرىستىك نىساندار قۇرىلىسى بار. جوبانىڭ جالپى قۇنى 1 ميلليارد اقش دوللارىن قۇرايدى.
– ءبىز دوڭعا كەن ورنىن يگەرۋ جوباسىنىڭ ەكىنشى كەزەڭىن جۇزەگە اسىرۋداعى ماڭىزدى مارەگە جەرگىلىكتى سەرىكتەسىمىز – بۇرعىلاۋ جۇمىستارىن جاساۋ بويىنشا مەردىگەرىمىزبەن ىنتىماقتاستىقتىڭ ارقاسىندا جەتتىك. جوبا بويىنشا ورىندالۋدى قاجەت ەتەتىن تالاپ-مىندەتتەر كوپ, ءبىز جوبانى مەزگىلىندە, قاۋىپسىز جانە ءتيىمدى تۇردە ورىنداۋعا تىرىسامىز. جوبانى ۋاقتىلى جانە ءتيىمدى تۇردە ىسكە اسىرۋ كومپانيا مەن سەرىكتەستەرىنە عانا ەمەس, جالپى, ماڭعىستاۋ وبلىسى ءۇشىن قوسىمشا ارتىقشىلىقتاردى قامتاماسىز ەتەدى, – دەيدى Maersk Oil كومپانياسىنىڭ قازاقستانداعى باسقارۋشى ديرەكتورى كارستەن يەنسەن.
جۇمىسپەن قامتۋ, مۇناي ءوندىرۋ كولەمىن ارتتىرۋ, شەتەلدەن ينۆەستيتسيا تارتۋ باعىتىندا جۇمىستى ۇيلەستىرۋ – ماڭعىستاۋ ءوڭىرى ءۇشىن دە ماڭىزدى ماسەلە. دوڭعا كەن ورنىنىڭ دا, ونداعى كومپانيانىڭ دا وسى ىستەردىڭ جۇزەگە اسۋىنا سەبى تيەتىنى انىق.
گۇلايىم شىنتەمىرقىزى,
«ەگەمەن قازاقستان».
اقتاۋ.
