بۇل – «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگىنىڭ جالپى جينالىسىنا قاتىسقان عالىمدار مەن ينجەنەرلەردىڭ ورتاق تۇجىرىمى. وقۋ ورداسىنىڭ وتىرىسىندا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ 55-بابىنا سايكەس قاسىم-جومارت توقاەۆتى قازاقستان پرەزيدەنتتىگىنە كانديدات رەتىندە ۇسىنۋ تۋرالى شەشىم ءبىراۋىزدان قابىلداندى.
جينالىس توراعاسى, اكادەميك باقىتجان جۇماعۇلوۆ ەلىمىزدىڭ عىلىمي-ينجەنەرلىك قاۋىمداستىعى كەزەكتەن تىس سايلاۋ تۋرالى حاباردى ۇلكەن جاۋاپكەرشىلىكپەن قابىلداعانىن اتاپ ءوتتى. ء«بىز بۇل شەشىمدى تولىقتاي قولدايمىز. الداعى ساياسي ناۋقان الەمدىك ەكونوميكالىق داعدارىستىڭ كۇشەيۋى مەن شيەلەنىسكەن گەوساياسي جاعدايدا قازاقستان دامۋىنىڭ جاڭا كەزەڭىنىڭ تالاپتارىنا جاۋاپ بەرەدى», دەدى ب.جۇماعۇلوۆ.
جيىنعا قاتىسۋشىلار وسى اسا ماڭىزدى ماسەلە بويىنشا ءوز ۇستانىمدارىن ءبىلدىرۋدى وزدەرىنىڭ ازاماتتىق بورىشى دەپ سانايدى. وتىرىستا اكادەميانىڭ ۆيتسە-پرەزيدەنتتەرى, اكادەميكتەر نۇرلان تەمىربەكوۆ پەن اماندىق تولەشەۆ, ماشينا جاساۋ جانە تاۋ-كەن, گەولوگيا بولىمشەلەرىنىڭ توراعالارى مەيىربەك مولدابەكوۆ پەن بولات ۋجكەنوۆ, ۇيا باتىس قازاقستان جانە جامبىل فيليالدارىنىڭ توراعالارى اقسەرىك ءايتىموۆ پەن ساعات جۇنىسبەكوۆ, اكادەميك ايسۇلتان قالىباەۆ جانە باسقا دا اكادەميا مۇشەلەرى ءسوز سويلەپ, ساياسي ماڭىزى مول ناۋقانعا قاتىستى وي-پىكىرلەرىن ورتاعا سالدى.
عالىمدار مەن ينجەنەرلەر مەملەكەت باسشىسى ق.توقاەۆتىڭ قازاقستاننىڭ تۇبەگەيلى رەفورماسى جانە «حالىق ۇنىنە قۇلاق اساتىن مەملەكەت» تۇجىرىمداماسى, سايلاۋ جۇيەسىنىڭ فورماتىن دامىتۋ, مەملەكەتتىك باسقارۋ جۇيەسىنىڭ كاسىبيلىگى مەن جاۋاپكەرشىلىگىن ارتتىرۋ سياقتى ماڭىزدى مەملەكەتتىك باستامالاردى ازىرلەۋ جانە جۇزەگە اسىرۋداعى ءرولى ەرەكشە ەكەنىن اتاپ ءوتتى. سونداي-اق جيىنعا قاتىسۋشىلار قازىرگى زامانعى جوعارى بىلىكتى عىلىمي جانە ينجەنەرلىك كادرلاردى دايارلاۋداعى جاڭا تاسىلدەر, عىلىمدى دامىتۋ جانە ونى ەكونوميكالىق پروتسەستەرگە بەلسەندى تۇردە ەنگىزۋ, سىبايلاس جەمقورلىق وليگارحيالىق مودەلىنەن دايەكتى تۇردە كەتە وتىرىپ, ەكونوميكانى ينتەنسيفيكاتسيالاۋعا قاتىستى ويلارىن اشىق ايتىپ, ناقتى ۇسىنىستارىن جەتكىزدى.
«كۇردەلى كەزەڭدەگى اسا ماڭىزدى ماقسات – قازاقستاندىقتاردىڭ باستاماسى مەن شىعارماشىلىعىنىڭ وسۋىنە, قازىرگى زامانعى تەحنولوگيالىق جانە يننوۆاتسيالىق دامۋعا نەگىزدەلگەن ادىلەتتى قازاقستاندى قۇرۋ. قازاقستاننىڭ دامۋ ستراتەگياسىنىڭ ءپرينتسيپتى جاڭا ىرگەتاسى ءىس جۇزىندە قالاندى», دەپ اتاپ ءوتتى اكادەميك ن.تەمىربەكوۆ.
«مۇنداي ساياسي باعىت وتانداستاردىڭ كۇتكەنى مەن ۇمىتىنە تولىق سايكەس كەلەدى. عالىمدار مەن ينجەنەرلەر قازاقستاندى الداعى سىناقتاردان ابىرويمەن الىپ شىعاتىن قازىرگى مەملەكەت باسشىسى ەكەنىنە سەنىمدى. قاسىم-جومارت كەمەل ۇلىنىڭ حالىقارالىق كوشباسشى, بۇۇ جوعارى باسشىلىعىنىڭ مۇشەسى, قازاقستاننىڭ كورنەكتى مەملەكەت قايراتكەرى رەتىندەگى مول تاجىريبەسى – وسىنىڭ كەپىلى. ارينە, بۇعان قوسا وتە قيىن جاعدايدا دا حالىقتىڭ سەنىمىنە جانە قازاقستاندىقتاردىڭ ءومىرىن جاقسارتۋعا باعىتتالعان پرەزيدەنتتىڭ جيناقتاعان تاجىريبەسى مول.
ەلىمىزدىڭ مىڭداعان عىلىمي جانە ينجەنەرلىك كورپۋسى پرەزيدەنت ق.توقاەۆتىڭ جانىنا توپتاسقان جانە قازاقستاننىڭ جاڭا بەلەستەرگە تۇبەگەيلى سەرپىلىسىن قامتاماسىز ەتەتىن مىندەتتەردى ورىنداۋعا بار كۇش-جىگەرىن سالادى. سوندىقتان اكادەميا ق.توقاەۆتىڭ كانديداتۋراسىن ءبىراۋىزدان قولدايدى», دەدى ۇيا پرەزيدەنتى ب.جۇماعۇلوۆ.
