VII استانا ەكونوميكالىق فورۋمى اياسىندا وتكىزىلىپ جاتقان فورۋمدار مەن كونفەرەنتسيالارمەن قاتار تاعى ءبىر ەرەكشە شارا ءوتتى. ول شارا جاھاندىق ەنەرگەتيكا, حالىقارالىق ساياسات پەن ەكونوميكا سالالارىنداعى ساراپشى دەنيەل ەرگيننىڭ «قازىنا. مۇناي, اقشا جانە بيلىك ءۇشىن كۇرەستىڭ بۇكىلالەمدىك تاريحى» اتتى الەمدىك بەستسەللەرىنىڭ قازاق تىلىندەگى باسىلىمىنىڭ تۇساۋكەسەرى بولاتىن.
تۇساۋكەسەر ءراسىمىن اشقان «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ اتاقتى امەريكالىق اۆتور دەنيەل ەرگيننىڭ «قازىنا» اتتى كىتابىنىڭ قازاق تىلىندە جارىق كورۋى استانا ەكونوميكالىق فورۋمىنىڭ اشىلۋىمەن تۇسپا-تۇس كەلۋىندە وزىندىك ءبىر ءمان بار ەكەنىن ايتتى. الەمگە ايگىلى ەڭبەكتىڭ اۋدارىلۋى قازاقشا ەكونوميكالىق ادەبيەتتىڭ كاسىبي تۇرعىدان بىلىكتىلىكپەن جازىلۋىنا, بۇل تاقىرىپتاعى تەرمينولوگيانىڭ ورنىعۋىنا يگى اسەر ەتەتىندىگى انىق. «قازىنانىڭ» الەمدىك بەستسەللەر ەكەندىگى داۋ تۋعىزبايدى, دەدى. بۇعان دەيىن 17 تىلگە اۋدارىلعان بۇل تۋىندى جايىندا 700-دەن استام كىتاپتاردا, ماقالالاردا, ديسسەرتاتسيالاردا اڭگىمە ەتىلەدى. كىتاپ بويىنشا جالپى كولەمى 6 ساعاتتىق دەرەكتى سەريال تۇسىرىلگەن. ءفيلمدى تەك اقش-تىڭ وزىندە 20 ميلليون ادام كورىپتى. اقش ەنەرگەتيكا ءمينيسترىنىڭ كونسۋلتاتسيالىق كەڭەسىنىڭ مۇشەسى, ەنەرگەتيكا سالاسىنداعى ستراتەگيالىق زەرتتەۋلەر جونىندەگى ارناۋلى كوميسسيانىڭ توراعاسى بولىپ تابىلاتىن دەنيەل ەرگين – حالىقارالىق ساياسات, ەكونوميكا مەن قۋات كوزدەرى ماسەلەلەرىندە بەدەلدى تۇلعا. «قازىنا» كىتابى ءۇشىن اۆتور پۋليتتسەر سىيلىعىنىڭ لاۋرەاتى اتانعان. بۇكىل الەمدە جۋرناليستيكا سالاسىنداعى ەڭ بەدەلدى سىيلىق دەنيەل ەرگينگە وسىندايلىق سالماقتى, وسىندايلىق اۋىر تاقىرىپتى وتە شەبەرلىكپەن, قىزىقتى, تارتىمدى ەتىپ جازا العانى ءۇشىن بەرىلگەن.
تۇساۋكەسەردە ءسوز العان ۇلتتىق بانك توراعاسى قايرات كەلىمبەتوۆ د.ەرگيننىڭ فورۋم جۇمىسىنا قاتىسىپ, كىتاپ تۇساۋكەسەرىنە قاتىسۋى ۇلكەن ابىروي ەكەندىگىن جەتكىزە وتىرىپ, العىسىن ايتتى. ەنەرگەتيكا جونىندە جاھاندىق ساراپشىنىڭ كومەگىنە مۇناي ەرەكشە ورىن الاتىن ەلدەر كومەگىنە جۇگىنەتىنىن اتاپ ءوتتى. پوستكەڭەستىك ەلدەردە دە بەلسەندى قىزمەت اتقاراتىن د.ەرگيننىڭ قازاقستاندا دا بىرنەشە ماسەلەلەر بويىنشا كەڭەسشى بولعاندىعىن جەتكىزدى. «قازاقستان تاۋەلسىزدىك العاننان كەيىن مۇناي دەرجاۆاسى اتاندى, وسى ۋاقىتتان باستاپ مۇناي وندىرەتىن ءىرى 20 ەل قاتارىنا ەندى. قازاق حالقى دا مۇناي يندۋسترياسىندا تانىمال بولا باستادى. سوندىقتان بۇل كىتاپتىڭ مۇناي شىعارۋشى ەلدەردە, سونىڭ ىشىندە قازاق تىلىندە دە شىعۋى مىندەتتى بولاتىن. وسىلايشا مىنە, بۇگىن وسى كىتاپتىڭ اۆتورى د.ەرگينمەن بىرگە تۇساۋكەسەر وتكىزىپ وتىرمىز. بۇل وتە ۇلكەن ەڭبەك. اۋدارماسىن ماڭدايالدى اۋدارماشىلار توبى جاسادى. ولار وسى كىتاپتىڭ وتە نازىك دەگەن تۇستارىن ورايلى سوزدەرمەن ناقتى بەرە الدى دەگەن ويدامىن», دەدى ول.
تانىمال قوعام قايراتكەرلەرى, پارلامەنت دەپۋتاتتارى قۋانىش سۇلتانوۆ, نۇرلان ورازالين, بەلگىلى ءتىلشى-عالىم شەرۋباي قۇرمانباي ۇلى كىتاپ تۋرالى پىكىرلەرىن ورتاعا سالدى.
كىتاپ اۆتورى العىسىن ايتا وتىرىپ, استاناعا كەلگەنىنە قۋانىشتى ەكەندىگىن جەتكىزدى. «ماعان «قازىنا» اتاۋى ۇنايدى, سەبەبى, بۇل كىتاپ مەنىڭ جەكە قازىنام. سوندىقتان بۇل كىتاپقا بەرىلگەن رەتسەنزيالاردىڭ ىشىندەگى ەڭ جاقسىسى وسى سەكىلدى. ويلى سوزدەرىڭىزگە, مەنىڭ جازۋ ونەرىمە بەرگەن سيپاتتامالارعا راحمەت. بۇل كىتاپتى قازاق تىلىندە جاريالاۋ ق.كەلىمبەتوۆ مىرزا ەكەۋمىزدىڭ ارمانىمىز بولاتىن. 2-3 جىل بۇرىن باستالعان وي بۇگىن جۇزەگە استى. سوندىقتان شىن جۇرەكتەن قازاقستاندا قازاق ءتىلىندە وقىرماندارعا جول تارتقاندىعى ءۇشىن قۋانىشتىمىن», دەدى ول. سۋرەتتەمە سيپاتىندا بولعاندىقتان كىتاپ وتە كولەمدى. سوندىقتان اۋدارماشىلارعا, باسپاعا دا ءىلتيپاتىمدى بىلدىرەمىن. كىتاپتى مەن ءوز قولىممەن قالاممەن 7 جىل جازىپ شىقتىم. ەگەر قولمەن ەمەس, كومپيۋتەرگە تەرۋ ارقىلى جازسام بۇدان دا كولەمدىرەك بولار ما ەدى, دەدى د.ەرگين.
تۇساۋكەسەر ءراسىمىن قورىتىندىلاي كەلە, ساۋىتبەك ابدراحمانوۆ ينتەرنەتتەگى «بيلل گەيتس: مەنى ويلاندىرعان ون كىتاپ» دەگەن ماتەريالدان وسى كىتاپ تۋرالى «بۇل – عاجايىپ كىتاپ. مەن ونى وقۋدى ەنەرگەتيكا ماسەلەلەرىنە قىزىعۋشىلىق تانىتاتىن بارشا جۇرتقا تاباندى تۇردە ۇسىنار ەدىم. دەنيەل ەرگين سىزگە ءوزىمىزدىڭ ەنەرگەتيكالىق بولاشاعىمىزدى قالىپتاستىراتىن ءبۇكىل ديناميكانى دا, كوڭىلگە ازداپ بولسا دا وپتيميزم ۇيالاتاتىن يننوۆاتسيالاردى دا تاماشا ءتۇسىندىرىپ بەرەدى» دەپ ايتقانىن العا تارتا وتىرىپ, «الەمدەگى №1 ميللياردەردىڭ سوزىنە سەنگەنىمىز دۇرىس شىعار», دەپ تۇساۋكەسەردى اياقتادى.
تۇساۋكەسەر ءراسىمىن اشقان «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراحمانوۆ اتاقتى امەريكالىق اۆتور دەنيەل ەرگيننىڭ «قازىنا» اتتى كىتابىنىڭ قازاق تىلىندە جارىق كورۋى استانا ەكونوميكالىق فورۋمىنىڭ اشىلۋىمەن تۇسپا-تۇس كەلۋىندە وزىندىك ءبىر ءمان بار ەكەنىن ايتتى. الەمگە ايگىلى ەڭبەكتىڭ اۋدارىلۋى قازاقشا ەكونوميكالىق ادەبيەتتىڭ كاسىبي تۇرعىدان بىلىكتىلىكپەن جازىلۋىنا, بۇل تاقىرىپتاعى تەرمينولوگيانىڭ ورنىعۋىنا يگى اسەر ەتەتىندىگى انىق. «قازىنانىڭ» الەمدىك بەستسەللەر ەكەندىگى داۋ تۋعىزبايدى, دەدى. بۇعان دەيىن 17 تىلگە اۋدارىلعان بۇل تۋىندى جايىندا 700-دەن استام كىتاپتاردا, ماقالالاردا, ديسسەرتاتسيالاردا اڭگىمە ەتىلەدى. كىتاپ بويىنشا جالپى كولەمى 6 ساعاتتىق دەرەكتى سەريال تۇسىرىلگەن. ءفيلمدى تەك اقش-تىڭ وزىندە 20 ميلليون ادام كورىپتى. اقش ەنەرگەتيكا ءمينيسترىنىڭ كونسۋلتاتسيالىق كەڭەسىنىڭ مۇشەسى, ەنەرگەتيكا سالاسىنداعى ستراتەگيالىق زەرتتەۋلەر جونىندەگى ارناۋلى كوميسسيانىڭ توراعاسى بولىپ تابىلاتىن دەنيەل ەرگين – حالىقارالىق ساياسات, ەكونوميكا مەن قۋات كوزدەرى ماسەلەلەرىندە بەدەلدى تۇلعا. «قازىنا» كىتابى ءۇشىن اۆتور پۋليتتسەر سىيلىعىنىڭ لاۋرەاتى اتانعان. بۇكىل الەمدە جۋرناليستيكا سالاسىنداعى ەڭ بەدەلدى سىيلىق دەنيەل ەرگينگە وسىندايلىق سالماقتى, وسىندايلىق اۋىر تاقىرىپتى وتە شەبەرلىكپەن, قىزىقتى, تارتىمدى ەتىپ جازا العانى ءۇشىن بەرىلگەن.
تۇساۋكەسەردە ءسوز العان ۇلتتىق بانك توراعاسى قايرات كەلىمبەتوۆ د.ەرگيننىڭ فورۋم جۇمىسىنا قاتىسىپ, كىتاپ تۇساۋكەسەرىنە قاتىسۋى ۇلكەن ابىروي ەكەندىگىن جەتكىزە وتىرىپ, العىسىن ايتتى. ەنەرگەتيكا جونىندە جاھاندىق ساراپشىنىڭ كومەگىنە مۇناي ەرەكشە ورىن الاتىن ەلدەر كومەگىنە جۇگىنەتىنىن اتاپ ءوتتى. پوستكەڭەستىك ەلدەردە دە بەلسەندى قىزمەت اتقاراتىن د.ەرگيننىڭ قازاقستاندا دا بىرنەشە ماسەلەلەر بويىنشا كەڭەسشى بولعاندىعىن جەتكىزدى. «قازاقستان تاۋەلسىزدىك العاننان كەيىن مۇناي دەرجاۆاسى اتاندى, وسى ۋاقىتتان باستاپ مۇناي وندىرەتىن ءىرى 20 ەل قاتارىنا ەندى. قازاق حالقى دا مۇناي يندۋسترياسىندا تانىمال بولا باستادى. سوندىقتان بۇل كىتاپتىڭ مۇناي شىعارۋشى ەلدەردە, سونىڭ ىشىندە قازاق تىلىندە دە شىعۋى مىندەتتى بولاتىن. وسىلايشا مىنە, بۇگىن وسى كىتاپتىڭ اۆتورى د.ەرگينمەن بىرگە تۇساۋكەسەر وتكىزىپ وتىرمىز. بۇل وتە ۇلكەن ەڭبەك. اۋدارماسىن ماڭدايالدى اۋدارماشىلار توبى جاسادى. ولار وسى كىتاپتىڭ وتە نازىك دەگەن تۇستارىن ورايلى سوزدەرمەن ناقتى بەرە الدى دەگەن ويدامىن», دەدى ول.
تانىمال قوعام قايراتكەرلەرى, پارلامەنت دەپۋتاتتارى قۋانىش سۇلتانوۆ, نۇرلان ورازالين, بەلگىلى ءتىلشى-عالىم شەرۋباي قۇرمانباي ۇلى كىتاپ تۋرالى پىكىرلەرىن ورتاعا سالدى.
كىتاپ اۆتورى العىسىن ايتا وتىرىپ, استاناعا كەلگەنىنە قۋانىشتى ەكەندىگىن جەتكىزدى. «ماعان «قازىنا» اتاۋى ۇنايدى, سەبەبى, بۇل كىتاپ مەنىڭ جەكە قازىنام. سوندىقتان بۇل كىتاپقا بەرىلگەن رەتسەنزيالاردىڭ ىشىندەگى ەڭ جاقسىسى وسى سەكىلدى. ويلى سوزدەرىڭىزگە, مەنىڭ جازۋ ونەرىمە بەرگەن سيپاتتامالارعا راحمەت. بۇل كىتاپتى قازاق تىلىندە جاريالاۋ ق.كەلىمبەتوۆ مىرزا ەكەۋمىزدىڭ ارمانىمىز بولاتىن. 2-3 جىل بۇرىن باستالعان وي بۇگىن جۇزەگە استى. سوندىقتان شىن جۇرەكتەن قازاقستاندا قازاق ءتىلىندە وقىرماندارعا جول تارتقاندىعى ءۇشىن قۋانىشتىمىن», دەدى ول. سۋرەتتەمە سيپاتىندا بولعاندىقتان كىتاپ وتە كولەمدى. سوندىقتان اۋدارماشىلارعا, باسپاعا دا ءىلتيپاتىمدى بىلدىرەمىن. كىتاپتى مەن ءوز قولىممەن قالاممەن 7 جىل جازىپ شىقتىم. ەگەر قولمەن ەمەس, كومپيۋتەرگە تەرۋ ارقىلى جازسام بۇدان دا كولەمدىرەك بولار ما ەدى, دەدى د.ەرگين.
تۇساۋكەسەر ءراسىمىن قورىتىندىلاي كەلە, ساۋىتبەك ابدراحمانوۆ ينتەرنەتتەگى «بيلل گەيتس: مەنى ويلاندىرعان ون كىتاپ» دەگەن ماتەريالدان وسى كىتاپ تۋرالى «بۇل – عاجايىپ كىتاپ. مەن ونى وقۋدى ەنەرگەتيكا ماسەلەلەرىنە قىزىعۋشىلىق تانىتاتىن بارشا جۇرتقا تاباندى تۇردە ۇسىنار ەدىم. دەنيەل ەرگين سىزگە ءوزىمىزدىڭ ەنەرگەتيكالىق بولاشاعىمىزدى قالىپتاستىراتىن ءبۇكىل ديناميكانى دا, كوڭىلگە ازداپ بولسا دا وپتيميزم ۇيالاتاتىن يننوۆاتسيالاردى دا تاماشا ءتۇسىندىرىپ بەرەدى» دەپ ايتقانىن العا تارتا وتىرىپ, «الەمدەگى №1 ميللياردەردىڭ سوزىنە سەنگەنىمىز دۇرىس شىعار», دەپ تۇساۋكەسەردى اياقتادى.
