الەم • 07 قازان، 2022

تايلاندتا ەكس-پوليتسيا قىزمەتكەرى 30-دان استام ادامدى ولتىرگەن

35 رەت كورسەتىلدى

تايلاندتا ەسىرتكىگە بايلانىستى ءىستى بولعان قاسكۇنەم بالاباقشاعا قارۋمەن باسىپ كىردى. قۇربان بولعانداردىڭ اراسىندا 22 بالا بار، دەپ حابارلايدى Egemen.kz Deutsche Welle-گە سىلتەمە جاساپ. 

قايعىلى وقيعا بانگكوكتىڭ سولتۇستىك-شىعىسىنداعى نونگبۋالامپۋ پروۆينتسياسىندا بولدى. قاسكۇنەم جولدا كەزىككەن ادامدارعا وق جاۋدىرعان. ال بالاباقشادا بالالاردى ءولتىرۋ ءۇشىن پىشاق قولدانعان. قازا تاپقانداردىڭ قاتارىندا جۇكتى تاربيەشى دە بار.

تاسس Reuters اگەنتتىگىنىڭ سوڭعى مالىمەتتەرى بويىنشا، قىلمىسكەردىڭ قولىنان 38 ادام قازا تاپقان.

پوليتسيانىڭ حابارلاۋىنشا، قاسكۇنەم بۇرىن قۇقىق قورعاۋ ورگاندارىندا جۇمىس ىستەگەن، بىراق ەسىرتكىگە بايلانىستى جۇمىستان شىعارىلعان. ءتىنتۋ كەزىندە ودان مەتامفەتامين تابلەتكالارى تابىلدى. شابۋىلدان بىرنەشە ساعات بۇرىن بۇرىنعى پوليتسيا قىزمەتكەرى سوتتا بولعان. وندا ونىڭ ءىسى قارالعان.

انىقتالعانداي، ول بالاسىن الىپ كەتۋ ءۇشىن بالاباقشاعا بارعان. بىراق ونى تاپپاي، وق جاۋدىرا باستاعان. ۇيىمداستىرىلعان قانتوگىستەن كەيىن 34 جاستاعى شابۋىلداۋشى وقيعا ورنىنان قاشىپ كەتكەن. ول جولدا اتىستى جالعاستىرىپ، تاعى ءتورت-بەس ادامدى ولتىرگەن.

قاسكۇنەم ۇيگە ورالعاندا ايەلى مەن بالاسىن ءولتىرىپ، سودان كەيىن ءوزىن-ءوزى ولتىرگەن كورىنەدى. تايلاند بيلىگى بۇل وقيعاعا تاڭقالعانىن ايتتى. ولار تەرگەۋدى جەدەلدەتۋ جانە زارداپ شەككەندەرگە كومەك كورسەتۋ ءۇشىن وقيعا ورنىنا تايلاند پوليتسياسىنىڭ باستىعىن جىبەردى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار