قازاقستان • 07 قازان، 2022

اشىقتىقتى ارتتىراتىن يگى ىستەر

31 رەت كورسەتىلدى

قورعانىس ۆەدومستۆوسىنىڭ باسشىسى، گەنەرال-پولكوۆنيك رۋسلان جاقسىلىقوۆ «انالار جۇرەگى» cاربازدار انالارى كوميتەتى» قوعامدىق بىرلەستىگىنىڭ توراعاسى ليليا حايرۋللينامەن كەزدەستى.

كەزدەسۋ بارىسىندا جاس ساربازداردىڭ اسكەري ورتاعا بەيىمدەلۋى، كومانديرلەردىڭ اسكەري جانە قۇقىقتىق ءتارتىپتىڭ جاي-كۇيىنە جاۋاپكەرشىلىگى، اسكەري قىزمەتشىلەردىڭ قۇقىقتارىن ساقتاۋ جانە تاماقتانۋ ساپاسى سياقتى وزەكتى ماسەلەلەر تالقىلاندى.

قورعانىس ءمينيسترى رۋسلان جاقسىلىقوۆ قوعامدىق ۇيىمنىڭ باسشىسى ليليا حاي­رۋللينانى اسكەري ۇجىمداردا سالاماتتى اتموسفەرا قۇرۋ، اسكەري قىز­مەتتىڭ قاۋىپسىزدىگىن قامتاماسىز ەتۋ، ء«ومى­رىڭدى ساقتا» باعدارلاماسىن ىسكە اسىرۋ، اشىقتىق پەن ادىلەتتىلىك قاعيداتتارى، اسكەري قىزمەتتىڭ بەدەلىن ارتتىرۋ جانە بورىشىن وتەگەندەرگە الەۋمەتتىك كەپىلدىكتەر توڭىرەگىندە ۆەدومستۆو قابىلدايتىن شارالار جونىندە حاباردار ەتتى.

قورعانىس ۆەدومستۆوسىنىڭ قوعام وكىل­دەرىمەن ىنتىماقتاستىعى ارتىپ كەلەدى. مى­سالى، «انالار جۇرەگى» قوعامدىق بىر­لەستىگى قورعانىس ىستەرى جونىندەگى دەپار­تامەنتتەرمەن بىرلەسىپ اسكەرگە شاقىرى­لۋشىلارمەن جانە اتا-انالارمەن شاقىرۋ پۋنكتتەرىندە تۇراقتى كەزدەسۋلەر وتكىزىلىپ تۇرادى. بۇل فورمات كوپتەگەن قىزىقتى ماسەلەنى شەشۋ، بايلانىس ورناتۋ جانە ازاماتتىڭ جەكە بولمىسىن قالىپتاستىرۋ ءۇشىن وسىنداي ماڭىزدى كەزەڭدە بولاتىن كۇماندى سەيىلتۋگە ەداۋىر مۇمكىندىك بەرەدى.

قوعامنىڭ ارمياعا دەگەن سەنىمىن ارتتىرۋ، اسكەري قىزمەتشىلەردىڭ جاۋىنگەرلىك رۋحىن قولداۋداعى پارمەندى قادام «وت­با­سىمەن بەينەقوڭىراۋ» بەينەسەرۆيسىن ەنگىزۋ بولدى. جاڭاشىلدىقتىڭ ارقاسىندا ءاربىر اسكەري قىزمەتشى جۇمىس كۇندەرى تۋىستارىمەن جانە جاقىندارىمەن بايلانىسا الادى.

انالار كوميتەتىنىڭ جەتەكشىسى ليليا حايرۋللينا قورعانىس ۆەدومستۆوسىنىڭ قوعاممەن ديالوگ ورناتۋداعى قادامدارىن وڭ باعالاپ: ء«تيىستى قۇرالىمداردىڭ، بولىمشەلەردىڭ باستىقتارى جانە اسكەري بولىمدەر كومانديرلەرى جەرگىلىكتى قوعامدىق ورىنداردىڭ جۇمىسىنا ىقپال ەتەرىنە سەنەمىن»، دەدى.

2022 جىلدىڭ قىركۇيەگىندە قور­عا­نىس مينيسترلىگى ساربازداردىڭ انالار كومي­تەتتەرىنىڭ وكىلدەرىمەن بىرقاتار كەزدەسۋ وتكىزدى. الماتىدا اسكەري قىزمەتشىلەردىڭ تاماقتانۋ ساپاسى ماسەلەلەرى بويىنشا دوڭگەلەك ۇستەل ۇيىمداستىرىلدى. استانادا ء«ومىرىڭدى ساقتا» باعدارلاماسىنىڭ ەرە­جەلەرى، سونداي-اق اسكەري-پاتريوتتىق تار­بيەنىڭ ماڭىزدى اسپەكتىلەرى تالقىلاندى. اسكەرگە شاقىرۋ ناۋقانى كەزىندە ماڭ­عىستاۋ وبلىسى ساربازدار انالارى كوميتەتىنىڭ وكىلدەرى «باتىس» وڭىرلىك قولباسشىلىعىنىڭ تەڭىز جاياۋ اسكەرلەرى قۇرامىنا باردى. ودان وزگە سەمەيدە قوعام وكىلدەرىنىڭ قاتىسۋىمەن كەزدەسۋ
ءوتتى.

– بۇل قورعانىس مينيسترلىگىمەن ۇل­كەن ىنتىماقتاستىقتىڭ باستاماسى عانا. كەزدەسۋ تاعىلىمدى ءوتتى. ءبىزدىڭ قا­رىم-قاتىناسىمىزدىڭ ءوزى كوكەيدەگى كوپتەگەن سۇراققا جاۋاپ الۋعا مۇمكىندىك بەردى، – دەپ ليليا حايرۋللينا كەزدەسۋ ناتيجەلەرىمەن ءبولىستى.

اسكەري ۇجىمدارداعى مورالدىق-پسيحولوگيالىق احۋالدىڭ جاي-كۇيى قورعانىس مينيسترلىگى باسشىلىعىنىڭ ەرەكشە باقىلاۋىندا. ولاردىڭ ءساتتى شەشىمىن تابۋى كوبىنە ازاماتتىق سەكتور رەتتەگەن ىنتىماقتاستىققا بايلانىستى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار