جەلدەن قۋات وندىرەدى

ءبىر عانا تالاس اۋدانىندا بۇگىنگى تاڭدا ءۇش بىردەي جەل ەلەكتر ستانساسىنىڭ قۇرى­لىسى قارقىندى تۇردە جۇر­گىزىلىپ جاتىر. اتالعان نىسان­داردىڭ قۇرىلىس جۇمىس­تارىن «شەڭگەلدى»، «شەڭگەلدى-2»، «نوۆاتەكس» سەكىل­دى سەرىكتە­س­تىك­تەر ساتىمەن جۇزەگە اسىرىپ كەلەدى.

ستانسالار قۇرىلىسى قىزىلاۋىت اۋىلدىق وكرۋگىندە جۇر­­گى­زىلىپ جاتىر. وكرۋگتە بۇ­عان دەيىن ەكى بىردەي جەل ەلەكتر ستانساسى سالىنعان. جال­­پى قۋاتى 4،5 مەگاۆاتقا جەتىپ جى­عى­لاتىن العاشقى جەل ەلەكتر ستانساسىنىڭ قۇرىلى­سىن «شەڭگەلدى» جشس وسىدان ەكى جىل ۋاقىت بۇرىن قولعا العان. جوبانىڭ جالپى قۇنى – 1 ملرد 829،1 ملن تەڭگە. نىساننىڭ قۇرىلىس جۇمىستارىن ساپالى جۇرگىزۋ ماقساتىندا 11 ادام جۇمىسپەن قامتىلعان. قازىرگە دەيىن مۇندا ءۇش بىردەي قوندىرعى ورناتىلدى. الداعى ۋاقىتتا وزگە دە جۇمىستار اتقارىلماق. مەردىگەر سەرىكتەستىك ستانسانىڭ جۇمىسىن جىل سوڭىنا دەيىن اياقتاۋعا نيەت ءبىلدىرىپ وتىر. ماڭىزدى نىساننىڭ قۇرىلىس جۇمىستارى مەجەلى ۋاقىتتا اياقتالسا، جىل سوڭىندا ىسكە قوسىلماق.

«نوۆاتەكس» جشس قولعا ال­عان تاعى ءبىر نىساننىڭ دا قۋا­تى 4،5 مەگاۆاتتى قۇرايدى. بۇگىنگە دەيىن اتالعان ستان­ساداعى جۇمىستاردىڭ ءبىر پاراسى اياقتالۋعا جاقىن تۇر. قوندىرعىلار تولىقتاي ورناتىلىپ، ىشكى جۇمىستار جۇزەگە اسىرىلىپ جاتىر. اۋدان اكىمدىگىنىڭ ءباسپاسوز قىزمەتى تاراتقان دەرەككە زەر سالساق، جەل ەلەكتر ستانساسىن وسى جىلى تولىق اياقتاۋ كوزدەلگەن.

«شەڭگەلدى-2» جشس قۇرى­لىسىن جۇرگىزىپ جاتقان ستان­سادا بىرقاتار قاجەتتى قوندىر­عىلار دەر كەزىندە ورناتىل­عان كورىنەدى. سونداي-اق جەل ەلەكتر ستانساسىنا قاجەتتى قۇرال-جابدىقتار دانيا ەلىنەن اكەلىندى. جوبانىڭ قۇرىل­تايشى ديرەكتورى جولدىبەك تۇراليەۆ ماڭىزدى نىساندار ۋاقتىلى ىسكە قوسىلسا، جەر­گى­لىك­تى جۇرتقا پايداسى مول بو­لا­تىنىنا سەنىمدى.

تالاس اۋدانىنىڭ كاسىپكەر­لىك، ونەركاسىپ جانە تۋريزم ءبولىمىنىڭ باسشىسى اۋدانبەك تاۋاساروۆتىڭ ايتۋىنشا، 2022 جىلى جالپى قۋاتى 13،5 مەگاۆاتتى قۇرايتىن ءۇش ستانسا پايدالانۋعا بەرىلەدى.

ء«بىزدىڭ اۋداندا بىرنەشە جىل­دىڭ بەدەرىندە بوي كوتەرگەن ەلەكتر ستانسالارىنىڭ اۋدان ەكو­نوميكاسىن ارتتىرۋدا ماڭى­زى زور. بۇگىنگە دەيىن جالپى قۋا­تى 9 مەگاۆاتتى قۇرايتىن ەكى ستانسا ىسكە قوسىلسا، وسى جىلى پايدالانۋعا بەرىلەتىن جەل ەلەكتر ستانسالارىنىڭ قۋاتى 13،5 مەگاۆاتتقا جەتەدى. بارلى­عىنىڭ قۋاتىن قوسا ەسەپتەسەك، 22،5 مەگاۆاتتقا جەتىپ وتىر. بۇل اۋدانىمىز ءۇشىن جاقسى كورسەتكىش. الاي­دا توقمەيىل­سىپ قالماي، وسى باعىت­تاعى جۇ­مىس­تاردى ودان ارمەن قاراي جان­دان­دىرا تۇسۋگە بەيىلمىز»، دەيدى ول.

جامبىل وبلىسى،

تالاس اۋدانى