وبلىس اكىمىمەن بىرگە 320 توسەكتىك وبلىستىق پەريناتالدىق ورتالىعىنا بارعان مينيسترگە ورتالىقتىڭ باس دارىگەرى ولەگ كيم جىل باسىنان بەرى انا مەن بالا ساۋلىعىن ساقتاۋ باعىتىندا اتقارىلعان جۇمىستاردى باياندادى.
مۇندا جىلىنا ورتا ەسەپپەن 11 مىڭعا جۋىق انا بوسانادى. انا مەن بالاعا مەديتسينالىق كومەك ساپاسىن جاقسارتۋ ءۇشىن دارىگەرلەردى قوسىمشا وقىتىپ, ورتالىق قاجەتتى نەۆرولوگ, كارديولوگ, وفتالمولوگتەر دايارلاۋ جولعا قويىلعان. وتكەن جىلى ورتالىقتا 12 349 نارەستە دۇنيەگە كەلسە, بيىل 8 ايدا 7 480 بالا تۋعان.
مينيستر مەرزىمىنەن ەرتە بوسانعان ايەلدەرمەن تىلدەسىپ, انەستەزيولوگيا-رەانيماتولوگيا جانە قارقىندى تەراپيا بولىمشەسى جۇمىسىمەن تانىستى, ءتيىستى تاپسىرمالار بەردى.
– ءبىز ءۇشىن باسىم باعىتتاردىڭ ءبىرى – انا مەن بالانى قورعاۋ بولىپ قالا بەرەدى. مەملەكەت باسشىسىسى باستاماشى بولعان بالالار جىلىندا مينيسترلىك بالالار دەنساۋلىعىن نىعايتۋعا باعىتتالعان بىرنەشە باستامانى جۇزەگە اسىرۋدا. وسىنىڭ ناتيجەسىندە جۇكتى ايەلدەردى بوسانۋعا دەيىنگى باقىلاۋ اياسى 80 پايىزعا ارتادى, – دەدى مينيستر.
وبلىستىق جەدەل جاردەم ستانساسىنا كەلگەن مينيستر سالا جۇمىسىمەن تانىسىپ, اۋىلدىق جەردە جەدەل كومەككە كوپ كوڭىل ءبولۋ كەرەكتىگىن اتاپ ءوتتى. وبلىستىق مەديتسينالىق جەدەل جاردەم ستانساسى قۇرامىندا 13 بولىمشە جانە مەديتسينالىق اۆياتسيا بولىمشەسى مەن وپەراتيۆتى ءبولىم جۇمىس ىستەيدى. جىل باسىنان بەرى بىلتىرعى وسى كەزەڭمەن سالىستىرعاندا شاقىرتۋلار 5,9 پايىزعا ارتىپ وتىر. مينيستر قىزمەتتى ورتالىقتاندىرۋدىڭ سوڭى شالعاي ەلدى مەكەندەر تۇرعىندارىنىڭ كومەكسىز قالماۋىنا سوقتىرماۋ كەرەگىن تاعى اتاپ ءوتتى. ماماندار تەك شۇعىل جاعدايلاردا ەمەس باسقا دا نوزولوگيالار بويىنشا ءبىلىم دەڭگەيلەرىن كوتەرىپ وتىرۋى قاجەت, دەيدى.
«دوستىق ۇيiندە» وتكەن حالىقپەن كەزدەسۋدە مينيستر دەنساۋلىق ساقتاۋدى دامىتۋدىڭ بىرنەشە باسىم باعىتىن اتاپ ءوتتى. مەملەكەت باسشىسىنىڭ تاپسىرماسىنا سايكەس «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسى ىسكە اسىرىلۋدا. جوبا اياسىندا كوپ بەيىندى اۋداندىق ورتالىق اۋرۋحانالار ۇيىمداستىرىلادى, ولاردىڭ بازاسىندا ينسۋلت جانە كارديولوگيالىق ورتالىقتار, مەديتسينالىق وڭالتۋ, تراۆماتولوگيا, حيرۋرگيا, رەانيماتسيا جانە قارقىندى تەراپيا بولىمشەلەرى, ترياج جۇيەسى بار قابىلداۋ بولىمشەسى اشىلادى.
جيىن بارىسىندا مينيستر مۇگەدەك ازاماتتارعا مەديتسينالىق كومەكتىڭ قولجەتىمدىلىگى, جەدەل جاردەمنىڭ جەتۋ ۋاقىتى, ءدارى-دارمەكپەن قامتاماسىز ەتۋ, كادرلار دايارلاۋعا قاتىستى كوپتەگەن سۇراققا جاۋاپ بەردى.
وڭىرلىك كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا دەنساۋلىق ساقتاۋ ءمينيسترى بيىل ەلىمىزدە مەديتسينالىق جوعارى وقۋ ورىندارىن بىتىرەتىن 2 692 تۇلەكتىڭ 104-ءى قىزىلوردا وبلىسىندا جۇمىس ىستەيتىنىن حابارلادى.
– اۋىلعا جۇمىسقا كەلگەن جاس مامانداردى الەۋمەتتىك قولداۋ شارالارى اياسىندا وبلىستا 25 مامان كوتەرمە جاردەماقى الدى, بىرەۋى تۇرعىن ۇيمەن قامتاماسىز ەتىلدى. تاعى ءبىر مامان باسقا دا الەۋمەتتىك قولداۋ شارالارىنا يە بولدى. سالادا جەتىستىكتەرمەن قاتار, ءبارىمىز بىرىگىپ شەشەتىن مىندەتتەر كوپ, – دەدى اجار عينيات.
قىزىلوردا
