زاماناۋي كورمە-كونفەرەنتسيا

استانادا بايلانىس جانە اق­پا­رات اگەنتتىگى, «زەردە» ۇلتتىق ينفو­كوم­مۋ­نيكاتسيالىق حولدينگى» اق پەن «اكت-نى دامىتۋ قورى» كق ۇيىمداستىرۋىمەن ASTEX-2014 حالىقارالىق كورمە-كون­فەرەنتسياسى ءوتتى. بۇل كورمە ەلىمىزدە جىل سايىن ەلەكتروندى كوممەرتسيانى, ەلەكتروندى ۇكىمەتتى دامىتۋعا ارنالىپ وتكىزىلەدى. بيىلعى شاراعا وتاندىق كومپانيالارمەن بىرگە شەتەلدىك ءىرى كاسىپورىنداردىڭ باسشىلارى دا قاتىسىپ, قازاقستاننىڭ ەلەكتروندى كوممەرتسيانى دامىتۋدا اتقارىپ جاتقان جۇمىستارىمەن كەڭىرەك تانىستى. كورمەنىڭ اشىلۋ سالتاناتىنا بايلانىس جانە اقپارات اگەنتتىگىنىڭ توراعاسى اسقار جۇماعاليەۆ قاتىسىپ, شەتەلدىك كومپانيالار جەتەكشىلەرىنە, ماماندارىنا ەلىمىزدە ەلەكتروندى كوممەرتسيانى دامىتۋعا ارنالعان كەشەندى شارالار تۋرالى ايتىپ بەردى. وندا اگەنتتىك توراعاسى بۇگىنگى كۇنى ەلىمىز بۇۇ-نىڭ دەرەكتەرىنە سايكەس, ەلەكتروندى ۇكىمەتتى دامىتۋ بويىنشا الەمنىڭ 190 ەلىنىڭ اراسىندا 38-ءشى ورىنعا ورنالاسقانىن, ال 2010 جىلى بۇدان 16 ورىنعا تومەن بولعانىن, سوندىقتان ءتورت جىلدىڭ ىشىندە وسىنشاما ورىنعا كوتەرىلگەنىنىڭ ءوزى ەلىمىز ءۇشىن ۇلكەن جەتىستىك ەكەنىن ايتتى. وسىدان كەيىن شەتەلدىك ماماندار كورمەمەن تانىسا ءجۇرىپ, قازاقستاننىڭ سوڭعى كەزدەرى اتقارعان جۇمىستارىن جوعارى باعالايتىندارىن اتاپ ءوتتى. كونفەرەنتسيا بارىسىندا وڭتۇستىك كورەيا پرەزيدەنتىنىڭ جانىنداعى كەڭەس مۇشەسى يانگ يم چو, Cybersecurity Malaysia كومپانياسىنىڭ باس ديرەكتورى ا.وحاب, Management Development Group Inc. كومپانياسىنىڭ نەگىزىن قالاۋشى جانە باسقارۋشى ارىپتەسى د.پوتاپەنكو, TeliaSonera دەپارتامەنتىنىڭ باسشىسى دج.وبەرگ پەن باسقا دا شەتەلدىك ماماندار وتاندىق كومپانيالاردىڭ جۇمىسىنا ءوز باعالارىن بەردى. وسى جەردە كورمەنىڭ ءبىرىنشى كۇنى «اكت-نى دامىتۋ قورى» كق باس ديرەكتورى سانجار كەتتەبەكوۆ پەن «سكولكوۆو» تەحنوپاركىنىڭ باس ديرەكتورى رەنات باتىروۆ زياتكەرلىك قىزمەتتىڭ ناتيجەلەرىن يننوۆاتسيالىق دامىتۋ جانە كوممەرتسيالاندىرۋ سالاسىنداعى ىنتىماقتاستىق تۋرالى مەموراندۋمعا قول قويدى. سونىڭ ناتيجەسىندە ەندى «سكولكوۆو» تەحنوپاركىمەن ينۆەستيتسيالىق جوبالاردى ىسكە اسىرۋدىڭ تيىمدىلىگىن ارتتىرۋ, يننوۆاتسيالىق كومپانيالاردىڭ شەتەل رىنوگىنا شىعۋىنا جاعداي جاساۋ ءۇشىن ۇزاق مەرزىمدى ارىپتەستىك قارىم-قاتىناس ورناتىلاتىن بولادى. سونىمەن بىرگە, قازاقستاندىق قور مەن Muckerlab اتتى امەريكالىق كومپانيا­سى­نىڭ اراسىندا اقپاراتتىق تەحنولوگيالار سالاسىنداعى ستارتاپ-كومپانيالاردى دامىتۋ جونىندەگى مەموراندۋم جاسالدى. اتالعان امەريكالىق كومپانياعا كەلسەك, قازاقستاندىق قور ەندى ونىمەن تەحنولوگيا مەن اقپارات سالاسىندا بىرىگىپ جۇمىس ىستەيدى. وسىنداي جۇمىستاردىڭ ناتيجەسىندە ەكىجاقتى ۇسىنىستار قارالىپ, ماماندار تاجىريبەلەرىمەن بولىسەدى. كورمەنىڭ ەكىنشى كۇنى دە ەلەكتروندى كوممەرتسيانى دامىتۋعا ارنالعان بىرقاتار ماڭىزدى جۇمىستار اتقارىلدى. ماسەلەن, بايلانىس جانە اقپارات اگەنتتىگىنىڭ ماماندارى شەتەلدىك كومپانيالاردىڭ باسشىلارى س.فرانزەن, يانگ يم چو, ر. بەللاك, ە.راننالا جانە ر.باتىروۆپەن ەلىمىزدە ەلەكتروندى كوممەرتسيانى دامىتۋ جانە ءىت-كلاستەر قۇرۋ بويىنشا ەكى جاقتى كەزدەسۋلەر وتكىزدى. سونىمەن بىرگە, وتاندىق ءىت-كومپانيالار قاۋىمداستىعىنىڭ دوڭگەلەك ۇستەلى, مەملەكەتتىك ورگاندار مەن بيزنەس-قۇرىلىمداردىڭ قاتىسۋىمەن يننوۆاتسيالىق كلاستەردى دامىتۋ جونىندەگى قاداعالاۋشى كەڭەستىڭ ءماجىلىسى ءوتتى. جالپى, «زەردە» ۇلتتىق ينفوكوم­مۋ­ني­كا­تسيالىق حولدينگى» اق توراعاسىنىڭ ورىن­باسارى بيكەش قۇرمانعاليەۆانىڭ ايتۋىن­شا, ASTEX-2014 حالىقارالىق كورمە-كون­فەرەنتسياسىنا 3 200 ادام كەلىپ, 41 سپي­كەر ءسوز سويلەگەن. ەكى كۇندە 9 سەسسيا, ەكى شەبەرلىك ساباق, ءۇش دوڭگەلەك ۇستەل, ستار­تاپ-جوبالاردىڭ كورسەتىلىمى, 17 ەكىجاقتى كەزدەسۋلەر وتكەن. داستان كەنجالين, «ەگەمەن قازاقستان».