قازاقستان جەتىستىكتەرى وزگە ەلدەر ءۇشىن ۇلگى

ەلباسى جانىنداعى ادام قۇقىقتارى جونىندەگى كوميسسيانىڭ توراعاسى, پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ حالىقارالىق كوشى-قون ۇيىمىنىڭ (حكۇ) وڭتۇستىك-شىعىس ەۋروپا, شىعىس ەۋروپا جانە ورتالىق ازيا ەلدەرىندەگى وڭىرلىك ديرەكتورى رەناتا حەلد حانىممەن كەزدەسۋى ءوتتى. كەزدەسۋ بارىسىندا تاراپ­تار قازاقستانداعى ادام قۇ­قىق­­­­تارى سالاسىنداعى احۋالدى, سون­داي-اق, ەڭبەكشى-ميگ­رانت­تاردىڭ قۇقىقتارىن قام­تاماسىز ەتۋ ماسەلەلەرىن تالقىلا­دى. ق.سۇلتانوۆ قازاقستان رەسپۋب­لي­كا­سىنداعى ادام قۇقىقتارى سالاسىنداعى ۇلتتىق ءىس-قيمىل جوسپارىنىڭ ۇسىنىمدارىن جۇزەگە اسىرۋ بارىسى, ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى اتتى» جولداۋىنىڭ شەڭبەرىندە قازاقستاندىق قوعامدى الەۋمەتتىك جاڭعىرتۋ مىندەتتەرىن قالاي ىسكە اسىرۋ تۋرالى, سونداي-اق, مەملەكەتتىڭ ۇلتارالىق جانە دىنارالىق تاتۋلىقتى ودان ءارى نىعايتا تۇسۋىنە قاتىستى اتقارىپ جاتقان جۇمىستارى تۋرالى جان-جاقتى ايتىپ بەردى. قوناق ادام قۇقىقتارى ءجونىن­دەگى كوميسسيانىڭ قۇقىق قورعاۋ سالاسىنداعى جاڭا جوبالارىمەن, اتاپ ايتقاندا, كوميسسيانىڭ ادام ساۋداسىنىڭ الدىن الۋعا جانە زاڭسىز كوشى-قون فاكتىلەرىن بولدىرماۋعا قاتىستى دايىندالاتىن ارنايى جوبالارىنىڭ جۇمىسىمەن تانىستىرىلدى. ر.حەلد قازاقستان رەس­پۋب­ليكاسى پرەزيدەنتى جانىنداعى ادام قۇقىقتارى جونىندەگى كوميسسيانىڭ جۇمىسىنا جوعارى باعا بەرىپ, ادام ساۋداسىمەن كۇرەسكە قاتىستى دايىندالاتىن ارنايى باياندامانى جانە ادام قۇقىقتارى سالاسىنداعى جاڭا ۇلتتىق ءىس-قيمىل جوسپارىن ازىرلەۋدە ساتتىلىك تىلەدى. ءوز كەزەگىندە, ق.سۇلتانوۆ حالىقارالىق كوشى-قون ۇيىمىنا جانە ونىڭ قازاقستانداعى وكىلدىگىنە ادام قۇقىقتارىن قورعاۋ جانە ىنتالاندىرۋ سالاسىنداعى سىندارلى ىنتىماقتاستىق ءۇشىن العىس ايتىپ, كوميسسيانىڭ حكۇ-مەن ادام قۇقىقتارى سالاسىنداعى سىندارلى ىنتىماقتاستىققا دايىندىعىن جەتكىزدى. حكۇ وڭىرلىك ديرەكتورى كوميسسيانىڭ ەڭبەكشى-ميگرانتتار قۇقىقتارىن قورعاۋ سالاسىنداعى جوباسى الەمنىڭ كوپتەگەن ەلدەرىندە جوق ەكەنىن جانە قازاقستاننىڭ ەڭبەكشى-ميگرانتتاردىڭ قۇقىق­تارىن قورعاۋ سالاسىنداعى ۇلتتىق زاڭناما مەن قۇقىق قولدانۋ تاجىريبەسىن جەتىلدىرۋدەگى جەتىستىكتەرى باسقا ەلدەر ءۇشىن ۇلگى بولۋى مۇمكىن ەكەنىن اتاپ كورسەتتى. كەزدەسۋگە, سونداي-اق, حقۇ-نىڭ قازاقستانداعى وكىلدىگىنىڭ باسشىسى دەيان كەسەروۆيچ پەن ادام قۇقىقتارى جونىندەگى كوميسسيانىڭ حاتشىسى تاستەمىر ابىشەۆ قاتىستى. «ەگەمەن-اقپارات».