تەاتر ۇجىمى «شەر-حان» اتتى جاڭا سپەكتاكلدى جەرگىلىكتى جۇرتشىلىقتىڭ نازارىنا ۇسىندى. دارابوز قالامگەردىڭ تاعدىر-تالايىنان سىر شەرتكەن جاڭا قويىلىمدى ءوڭىر باسشىسى نۇرجان نۇرجىگىتوۆ قالا تۇرعىندارىمەن بىرگە تاماشالادى.
جاڭا سپەكتاكلدىڭ قويۋشى رەجيسسەرى ءارى ينستسەنيروۆكا اۆتورى, شىڭعىس ايتماتوۆ اتىنداعى حالىقارالىق سىيلىقتىڭ لاۋرەاتى قۋاندىق قاسىموۆ بولسا, قويۋشى-سۋرەتشىسى مادەنيەت قايراتكەرى قالتورە جۇماقۇلوۆ.
سپەكتاكلدە ۇلتجاندى جازۋشىنىڭ تاۋقىمەتكە تولى بالالىق شاعى, «حالىق جاۋىنىڭ» ۇرپاعى رەتىندە باستان كەشىرگەن قيىندىقتار, سوعىس كەزىندە تارتقان تاۋقىمەتى, ءور تۇلعا رەتىندەگى ونەگەلى جولى مەن جانكەشتى ەڭبەگى اكتەرلىك ءانسامبلدىڭ شەبەرلىگى ارقىلى جۇرتشىلىقتىڭ جۇرەگىنە جول تاپتى.
شەراعانىڭ ءرولىن سومداعان قازاقستاننىڭ ەڭبەك سىڭىرگەن قايراتكەرى ءجۇنىس الىمبەكوۆ وزىنە جۇكتەلگەن مىندەتتى ساتىمەن ورىنداعانى داۋسىز. ول شەرحان مۇرتازانىڭ وبرازىن قاز-قالپىندا سومداپ, كورەرمەندەردى ءتانتى ەتتى. قىسقاسى, بالا بارىسحاننان باستاپ, دارابوز شەرحاننىڭ سوقتىقپالى سوقپاققا تولى جولى تۇگەل قامتىلعان جاڭا قويىلىم كورەرمەن قاۋىمعا ۇنادى. سودان دا بولسا كەرەك, بەكزات ونەرگە اڭسارى اۋعان تارازدىقتار ەكى كۇن بويى تەاترعا اعىلىپ كەلىپ جاتتى.
تاراز
