مۇعالجار اۋدانىنىڭ سوتى مەن پروكۋراتۋراسى زاماناۋي جاڭا عيماراتقا قونىس اۋداردى. ەلباسى ن.نازارباەۆ جولداۋىندا اتاپ كورسەتكەنىندەي, زاڭ الدىنداعى تەڭدىك – قۇقىقتىق ءتارتىپتىڭ شىن مانىندەگى نەگىزى بولۋى ءتيىس. وسى رەتتە قۇقىق قورعاۋ ورگاندارىنا, ناقتىراق ايتقاندا, ادىلەتتىلىكتى جۇزەگە اسىرۋشى سوت جۇيەسىنە, سونداي-اق, قاداعالاۋ ورگانى رەتىندە پروكۋراتۋراعا ەرەكشە نازار اۋدارىلىپ وتىر. بۇعان دالەل – مۇعالجار اۋدانىندا زاڭدىلىق پەن قۇقىقتىق ءتارتىپتى قامتاماسىز ەتۋ جۇمىسىنىڭ ساپاسىن ارتتىرۋعا مۇمكىندىك بەرەتىن اۋداندىق سوت پەن پروكۋراتۋرانىڭ بىرىكتىرىلگەن جاڭا اكىمشىلىك عيماراتىنىڭ بوي كوتەرۋى بولىپ تابىلادى.
بۇل ءۇش قاباتتى جاڭا عيمارات قاندىاعاش قالاسىنىڭ ساۋلەتىن اشا تۇسۋىمەن بىرگە, جەرگىلىكتى تۇرعىندارعا وزدەرىنىڭ قۇقىقتارى مەن بوستاندىقتارىن قورعاۋعا قاتىستى ماسەلەلەردى شەشۋگە قولايلى بولدى. مۇندا كۇتۋ زالدارى, جوعارى تەحنولوگيالى قوندىرعىلارمەن جابدىقتالعان سوت ءماجىلىسىنىڭ زالدارى, سوت قىزمەتكەرلەرىنە ارنالعان جەكە بولمەلەر, سونداي-اق, مۇراعات جانە كوديفيكاتسيا ورىندارى قاراستىرىلعان. جالپى ايتقاندا, سوت تورەلىگىن جۇزەگە اسىرۋ ءۇشىن سۋديالار مەن سوت قىزمەتكەرلەرىنە قاجەتتى بارلىق جاعدايلار جاسالعان.
جاڭا عيماراتتىڭ سالتاناتتى اشىلۋىنا جوعارى سوت كەڭەسىنىڭ توراعاسى ب.بەكنازاروۆ, جوعارعى سوت اپپاراتىنىڭ باسشىسى س.يسپانوۆ, باس پروكۋروردىڭ ورىنباسارى م.يساەۆ, وبلىس اكىمى ا.مۇحامبەتوۆ, وبلىستىق سوتتىڭ توراعاسى ە.ايتجانوۆ جانە سوت جۇيەسى مەن پروكۋراتۋرا ورگاندارىنىڭ ارداگەرلەرى قاتىستى.
جوعارى سوت كەڭەسىنىڭ توراعاسى بەكتاس بەكنازاروۆ مۇعالجار اۋداندىق سوتىنىڭ توراعاسى سەيفوللا تاسىمبەتوۆكە جاڭا قىزمەتتىك اۆتوكولىكتىڭ كىلتىن تابىس ەتتى. سالتاناتتى ءراسىمنىڭ سوڭىندا قوناقتار جاس كوشەتتەر وتىرعىزدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
بۇل ءۇش قاباتتى جاڭا عيمارات قاندىاعاش قالاسىنىڭ ساۋلەتىن اشا تۇسۋىمەن بىرگە, جەرگىلىكتى تۇرعىندارعا وزدەرىنىڭ قۇقىقتارى مەن بوستاندىقتارىن قورعاۋعا قاتىستى ماسەلەلەردى شەشۋگە قولايلى بولدى. مۇندا كۇتۋ زالدارى, جوعارى تەحنولوگيالى قوندىرعىلارمەن جابدىقتالعان سوت ءماجىلىسىنىڭ زالدارى, سوت قىزمەتكەرلەرىنە ارنالعان جەكە بولمەلەر, سونداي-اق, مۇراعات جانە كوديفيكاتسيا ورىندارى قاراستىرىلعان. جالپى ايتقاندا, سوت تورەلىگىن جۇزەگە اسىرۋ ءۇشىن سۋديالار مەن سوت قىزمەتكەرلەرىنە قاجەتتى بارلىق جاعدايلار جاسالعان.
جاڭا عيماراتتىڭ سالتاناتتى اشىلۋىنا جوعارى سوت كەڭەسىنىڭ توراعاسى ب.بەكنازاروۆ, جوعارعى سوت اپپاراتىنىڭ باسشىسى س.يسپانوۆ, باس پروكۋروردىڭ ورىنباسارى م.يساەۆ, وبلىس اكىمى ا.مۇحامبەتوۆ, وبلىستىق سوتتىڭ توراعاسى ە.ايتجانوۆ جانە سوت جۇيەسى مەن پروكۋراتۋرا ورگاندارىنىڭ ارداگەرلەرى قاتىستى.
جوعارى سوت كەڭەسىنىڭ توراعاسى بەكتاس بەكنازاروۆ مۇعالجار اۋداندىق سوتىنىڭ توراعاسى سەيفوللا تاسىمبەتوۆكە جاڭا قىزمەتتىك اۆتوكولىكتىڭ كىلتىن تابىس ەتتى. سالتاناتتى ءراسىمنىڭ سوڭىندا قوناقتار جاس كوشەتتەر وتىرعىزدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
