ايماقتار • 03 قازان، 2022

ونەرى تۋعان جەردە ورىستەگەن

89 رەت كورسەتىلدى

قىزىلورداداعى س.ايتباەۆ اتىنداعى وبلىستىق كور­كەم­سۋرەت گالەرەياسىندا بەلگىلى قىلقالام شەبەرى، قا­زاقستان سۋرەتشىلەر وداعىنىڭ مۇشەسى ابىل­قاسىم سار­سەنباەۆتى ەسكە الۋعا ارنالعان «ونەرىم وزىڭە، تۋعان جەر!» اتتى شىعارماشىلىق كورمە ۇيىم­داستىرىلدى.

شيەلى اۋدانىنداعى ايا­داي عانا اققۇمشىقتا دۇ­نيەگە كەلگەن ابىلقاسىم سار­سەنباەۆ الما­تىداعى ن.ۆ.گوگول اتىن­داعى كور­كەم­سۋرەت ۋچيلي­ششەسىن ءبىتى­رىپ، اۋداندىق پيونەرلەر ۇيىن­دە جاس سۋرەتشىلەر مەك­­تەبىن اشىپ، شاكىرتتەر تالا­بىن ۇشتاپتى. اۋىلدا جۇرسە دە بۇكىلوداقتىق شى­عار­­ماشىلىق جاستار سيمپوزيۋمىنا قاتىسىپ، رەس­پۋب­ليكالىق «جىگەر» فەس­تيۆا­لىنىڭ بىرنەشە دۇركىن لاۋرەاتى اتانادى. ول تۇس­تا ونەر ادامىنىڭ شىعارماشى­لى­عىن شىڭداۋىنا جاسالعان جاع­داي دا بولەك ەدى عوي.

سەكسەنىنشى جىلداردىڭ ور­تاسىندا قازىرگى ت.جۇر­گە­نوۆ اتىنداعى قازاق ۇلتتىق ونەر اكادەمياسىنىڭ ديزاين فاكۋلتەتىن ءبىتىرىپ، وسى وقۋ ورنىندا قالعان سۋرەتشى شىعارماشىلىعىنىڭ وزەگى تۋعان جەر بولدى. ەلىمىز بەن وزگە مەملەكەتتەردە قو­يىل­عان كارتينالارىنىڭ ىشىندە «اققۇمشىقتاعى اق ءۇيىم»، «اققۇمشىقتاعى قۇ­دىق»، «اققۇمشىقتاعى اۋىل» اتتى تۋىندىلارىنىڭ ورنى بولەك ەدى. تۋىندىلا­رى­نا تۋعان جەرىن ارقاۋ ەتكەن ونەر يەسى بىلتىر دۇ­نيەدەن وزدى.

كورمەدە قىلقالام شە­بەرىنىڭ تۋىستارى مەن بەل­گىلى سۋرەتشى، ءمۇسىنشى امانگەلدى كەنەنباي ۇلى ەستەلىك ايتىپ، وبلىستىق مادەنيەت جانە سپورت باسقارماسى باس­شىسىنىڭ ورىنباسارى ەر­دىل­دا نۇرتازا ۇلى لەبىزىن ءبىلدىردى.

ايگىلى قايراتكەر، تۇركى الەمىنىڭ تولىمدى تۇلعاسى مۇستافا شوقاي جولىمەن توعىز مەملەكەتكە بارىپ، كور­مە ۇيىمداستىرعان سۋرەت­­شىنىڭ سوڭعى تۋىندى­لارى «ۇلت تۇلعاسى – مۇستافا شو­قاي» جانە «مۇستافا شو­قاي – سۋرەتشى كوزىمەن» اتتى ەكى بىردەي كىتاپ-ال­بوم ەدى. شوقاي تۋعان توپى­راق نار­شو­قىدان باستاپ پاريجگە دەيىن ساپارلاعان سۋرەت­شىنىڭ بۇل ەڭبەكتەرىندە قاي­راتكەردىڭ گرا­فيكالىق سۋرەت­تەرى، پور­ترەتتەرى توپ­تاستىرىلعان.

قازىرگى سۋرەت ونەرىنىڭ بو­لاشاعىنا الاڭداپ، كەس­كىندەمە، ءمۇسىن، قولونەر تۋرالى باسىلىم بولسا، وسى كۇنگى فوتوگرافيادان كوشى­رەتىن سۋرەتشىلەر مەن شىن سۋرەت­كەر­دىڭ ايىر­ماسىن جۇرت بايقار ەدى دەپ ارمانداعان قىلقالام شە­بەرى وسى سالادا تولىمدى ەڭ­بەك ەتتى.

وسى ماۋسىم ايىندا س.ايت­باەۆ اتىنداعى كور­كەم­سۋرەت گالەرەياسىنا ال­ماتى قالاسىنان سۋرەتشىنىڭ 200 كارتيناسى مەن گرافي­كالىق سۋرەتى اكەلىنىپ، گالەرەيا قورى قايتالانباس تۋىن­دى­لارمەن تولىققان. بۇگىنگى كور­مەگە سولاردىڭ 100-دەن استامى قويىلدى.

 

قىزىلوردا

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار