ايارلىققا قۇرىلعان قامقورلىق

قارجى پوليتسياسى جاقسى اۋداندىق ءبىلىم ءبولىمىنىڭ ادىسكەرى قاسەنوۆا مەن وسى اۋدان تۇرعىنى مىرزاباەۆاعا قاتىستى جاعا ۇستاتار قىلمىستىڭ بەتىن اشىپ, ونى سوتتىڭ قاراۋىنا جولدادى. تەرگەۋ بارىسىندا جوعارىداعى قوس ازاماتشا كولدەنەڭ اقشا تابۋدىڭ ايرىقشا ءتاسىلىن جۇزەگە اسىرعاندىعى انىقتالدى. ياعني, تاربيە وشاعىنىڭ ادىسكەرى قاسە­­­­نوۆا ءوزىنىڭ قىزمەتتىك وكىلەتتىگىن پايدالانىپ, 2013 جىلدىڭ ماۋسىمى مەن 2014 جىلدىڭ اقپانى ارالىعىندا اتا-اناسىنىڭ قارا­ۋ­ىنسىز قالعان بالالارعا قام­قورشى رەتىندە بيۋدجەتتەن بەرىلەتىن 650 مىڭ تەڭگەنى قىمقىرعان. ماسەلەنىڭ شىنايى ءتور­كى­نى بىلايشا وربىگەن ەكەن. مىر­زاباەۆا ءوزىنىڭ بالالارىنان باس تارتۋ جونىندە جالعان قۇجات رەسىمدەگەننەن كەيىن, ءوزىنىڭ اناسىنىڭ اتىنا بالالارىنا قامقورشى رەتىندە قوسىمشا قۇجاتتاردى تىركەتەدى. ال, اناسى وكىمەت قارجىسىن اي سايىن الىپ, قىزىنا بەرىپ وتىرعان. ءوز كەزەگىندە, مىرزاباەۆا كەلىسىم بويىنشا بۇل اقشانى قاسەنوۆاعا تاپسىرىپ كەلگەن. ايارلىققا قۇرىلعان «قام­قورلىقتىڭ» قۇيرىعى ءبىر تۇتام دەگەن وسى. باقبەرگەن امالبەك, «ەگەمەن قازاقستان». اقمولا وبلىسى, جاقسى اۋدانى.