ءبىزدىڭ كۇش-جىگەرىمىز, قايراتىمىز وسى كەزدە كەرەك. پرەزيدەنتتىڭ ۇسىنۋىمەن ەل باسقارۋشى ادام 7 جىلدىق مەرزىمنەن كەيىن ەكىنشى رەت ءوزىن-ءوزى پرەزيدەنتتىككە ۇسىنباۋى جانە سايلانباۋى كەرەك دەگەن وتە دۇرىس شەشىم.
بىرىنشىدەن, بۇل بيلىكتى مونوپوليزاتسيادان, ءبىر قولعا شوعىرلانۋدان قۇتقارادى. سونداي-اق جاس ساياسي كوشباسشىلاردىڭ الدىنداعى بۋىنعا قاراپ وسۋىنە, جاڭا ساياسي مەنەدجمەنتتىڭ قالىپتاسۋىنا, ليدەرلىك جولعا تۇسۋىنە ۇلكەن مۇمكىندىك بەرەدى. سونداي-اق 7 جىلدىق مەرزىمدە پرەزيدەنتكە ءبىر عانا مۇمكىندىك بەرىلەدى. وسى ەلدى گۇلدەندىرۋ ءۇشىن, وسى ەلدى العا جەتەلەۋ ءۇشىن وعان حالىق ءوزىنىڭ اماناتىن سەنىپ تاپسىرادى.
سوندىقتان ۇمىتكەر بار كۇش-جىگەرىن جۇمساپ, وزىنەن كەيىن قالدىراتىن ءىز, ءوزىنىڭ بار مۇمكىندىگىن سارپ ەتىپ, ەل ءۇشىن جۇمىس ىستەپ, قاتەلىكتەن ساقتانادى. حالىققا بارىنشا قىزمەت ەتىپ, جاقسى ءىز قالدىرۋعا كۇش سالادى.
دانا نۇرجىگىت,
سەنات دەپۋتاتى
