پرەزيدەنتتىڭ ايتۋىنشا, 32 اۋداندىق اۋرۋحانانى كوپسالالى مەديتسينالىق مەكەمەلەر دەڭگەيىنە دەيىن جاڭعىرتۋ جوسپارلانۋدا. «ناتيجەسىندە جەدەل جانە ورتا تەحنولوگيالىق مەديتسينالىق كومەك الۋ مۇمكىندىگى 500-دەن 200 شاقىرىمعا دەيىن قىسقارادى. ۇكىمەت بيۋدجەتتىك پروتسەستىڭ ءبىر بولىگى رەتىندە بيىل قىركۇيەك ايىنا دەيىن وسى ۇلتتىق جوبالاردى جۇزەگە اسىرۋ ءۇشىن بارلىق ەسەپتەۋدى جاساپ, قاجەتتى شارالاردى قابىلداۋى كەرەك», دەپ تاپسىردى ق.توقاەۆ. دەنساۋلىق ساقتاۋدى دامىتۋدىڭ مەملەكەتتىك باعدارلاماسىنىڭ نەگىزگى باعىتتارىنىڭ ءبىرى – اۋىل تۇرعىندارىنا مەديتسينالىق قىزمەت كورسەتۋدىڭ ساپاسى مەن قولجەتىمدىگىن ارتتىرۋ.
اۋىل تۇرعىندارىنىڭ جالپى سانىنىڭ 60 پايىزىن قۇرايتىن جامبىل وبلىسىندا «اۋىلدىق ايماقتىڭ دەنساۋلىق ساقتاۋ سالاسىن دامىتۋ» – جەرگىلىكتى اتقارۋشى ورگانداردىڭ باستى مىندەتتەرىنىڭ ءبىرى. مەديتسينالىق مەكەمەلەردىڭ ماتەريالدىق-تەحنيكالىق بازاسىن نىعايتۋ دا ماڭىزدى ماسەلە رەتىندە قاراستىرىلادى.
بيىل 23 نىساننىڭ قۇرىلىسى باستالدى, ونىڭ 22-ءسى اۋىلدىق جەرلەردە (بايزاق اۋدانىنىڭ ورتالىق اۋداندىق اۋرۋحاناسى, دارىگەرلىك امبۋلاتوريا, شۋ اۋدانىنداعى وڭالتۋ ورتالىعى), مەركى, جامبىل اۋداندارىنداعى وزات تاجىريبە ورتالىقتارى, سونداي-اق تالاس اۋدانىندا 9 مەديتسينالىق مەكەمە كۇردەلى جوندەۋدەن ءوتتى. جامبىل وبلىسىندا الداعى 3 جىلدا اۋىلدىق جەرلەردە تاعى 46 دەنساۋلىق ساقتاۋ نىسانىن سالۋ جوسپارلانۋدا.
2023 جىلى تالاس, مەركە, شۋ اۋداندارىندا اۋدانارالىق اۋرۋحانالار اشۋ ءۇشىن جوبالىق-سمەتالىق قۇجاتتار ازىرلەنۋدە. سونىمەن قاتار شۋ جانە قورداي اۋداندارىندا «ۇزدىك تاجىريبە» ورتالىقتارى اشىلادى.
شالعايداعى ەلدى مەكەندەردىڭ اۋىل تۇرعىندارىن قولجەتىمدى پروفيلاكتيكالىق, دياگنوستيكالىق جانە كونسۋلتاتيۆتىك كومەكپەن قامتاماسىز ەتۋ ءۇشىن 11 جىلجىمالى ءموبيلدى پۋنكت جۇمىس ىستەيدى. ولاردىڭ بارلىعى قاجەتتى مەديتسينالىق كومەكتىڭ قولجەتىمدىلىگى مەن ءوز ۋاقىتىندا قامتاماسىز ەتۋگە, حالىقتىڭ قاناعاتتانۋىنا باعىتتالعان. بۇل شارانىڭ بارلىعى تۇپتەپ كەلگەندە, حالىقتىڭ دەنساۋلىعىنىڭ جاقسارۋىنا, ءومىر ءسۇرۋ ۇزاقتىعىنىڭ ارتۋىنا اكەلەدى.
وبلىسىمىزدىڭ مەديتسينا قاۋىمى پرەزيدەنتتىڭ باعىت-باعدارىن قولداپ, حالىقتىڭ دەنساۋلىعىن جاقسارتۋ باعىتىنداعى باستامالارىن جالعاستىرادى. اۋىل – حالقىمىزدىڭ بەسىگى. ال اۋىل تۇرعىندارىنىڭ دەنساۋلىعىن ساقتاۋ ءبىز ءۇشىن كەزەك كۇتتىرمەيتىن باستى مىندەت بولىپ قالا بەرەدى.
اسەت قاليەۆ,
جامبىل وبلىسى اكىمدىگى دەنساۋلىق ساقتاۋ باسقارماسىنىڭ باسشىسى
