ال بوستاندىققا شىققان يتتەر وسىندا ويناق سالادى. بۇل از دەگەندەي, ولارعا قاڭعىباس يتتەر قوسىلادى. اينالانىڭ ءبارى يۋ-قيۋ. دەمالعان قۇرلى بولمايسىڭ! ەرىكسىز سىرتقا شىعاسىڭ.
بولماسا ءبىر اۋىق جاسىل ءشوپ ءۇستىن جالاڭاياق باسىپ جۇرگىڭ كەلەدى. الايدا ول مۇمكىن ەمەس. اياق باسقان سايىن ءيتتىڭ ءناجىسى. سونداي-اق اعاش ساياسىندا دا دامىلداپ وتىرا المايسىڭ. قاي اعاشقا دا يت سارىپ كەتكەن.
پارك – قالانىڭ كوركى. جانە دە ول بىرەۋدىڭ جەكەمەنشىگى ەمەس. دەمەك قالا باسشىلىعىنىڭ وسىنداي قۇندىلىققا نازار اۋدارعانى ءجون-اق. ايتپەسە مىناداي دەمالىس ورنىندا وزگە دە اڭ-قۇس تۇرلەرى بوي كورسەتە باستاۋى كادىك.
بىلۋىمشە, ورتالىق ساياباقتا ءدال مۇنداي بەتىمەن كەتۋشىلىك جوق. ول جەردە يت جەتەكتەگەندەرگە ايىپپۇل سالىنادى. سونداي شارانى پانفيلوۆشىلار پاركىندە دە قولدانۋ كەرەك!
تاعى ءبىر ءسوز. شىنتۋايتىنا كەلگەندە, قازىرگى كۇنى 28 پانفيلوۆشىلاردان قادىر كەتتى. سوندىقتان پارك اتىن باۋىرجان مومىش ۇلىنىڭ اتىنا بەرەتىن ۋاقىت جەتتى. بالكىم, سول كەزدە پاركتى ءوز ۇيلەرىندەي كورىپ, ەركىن كوسىلىپ جۇرگەن يتتەر دە ءوز جوندەرىن تابار.
قۇديار ءبىلال,
جۋرناليست, قالا تۇرعىنى
الماتى
