قازاقستان رەسپۋبليكاسى ۇكىمەتىنىڭ قاۋلىسى №465

2014 جىلعى 6 مامىر, استانا, ۇكىمەت ءۇيى «قوسىلعان قۇن سالىعىنىڭ اسىپ كەتكەن سوماسىن قايتارۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 30 جەلتوقسانداعى №1707 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قوسىلعان قۇن سالىعىنىڭ اسىپ كەتكەن سوماسىن قايتارۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 30 جەلتوقسانداعى №1707 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №17, 271-قۇجات) مىناداي وزگەرىستەر مەن تولىقتىرۋ ەنگىزىلسىن: 1) كىرىسپە مىناداي رەداكتسيادا جازىلسىن: «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ (سالىق كودەكسى) 272-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»; 2) كورسەتىلگەن قاۋلىمەن بەكىتىلگەن قوسىلعان قۇن سالىعىنىڭ اسىپ كەتكەن سوماسىن قايتارۋ قاعيدالارىندا: 1 جانە 2-تارماقتار مىناداي رەداكتسيادا جازىلسىن: «1. وسى قوسىلعان قۇن سالىعىنىڭ اسىپ كەتكەن سوماسىن قايتارۋ قاعيدالارى (بۇدان ءارى – قاعيدالار) «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ (سالىق كودەكسى) (بۇدان ءارى – سالىق كودەكسى) 272-بابىنىڭ 5-تارماعىنا سايكەس ازىرلەنگەن جانە قوسىلعان قۇن سالىعىنىڭ (بۇدان ءارى – ققس) اسىپ كەتكەن سوماسىن قايتارۋ ءتارتىبىن بەلگىلەيدى. 2. ققس اسىپ كەتكەن سوماسىن قايتارۋ: 1) ققس اسىپ كەتكەن سوماسىن قايتارۋ تۋرالى تالابى كورسەتىلگەن سالىق كەزەڭى ءۇشىن ققس بويىنشا دەكلاراتسيانىڭ (بۇدان ءارى – ققس قايتارۋ تۋرالى تالابى); 2) نولدىك مولشەرلەمە بويىنشا سالىق سالىناتىن اينالىمداردى راستاۋ ماقساتى ءۇشىن سالىق كودەكسىندە كوزدەلگەن قۇجاتتاردىڭ; 3) قايتارۋعا ۇسىنىلعان ققس-تىڭ اسىپ كەتكەن سوماسىنىڭ دۇرىستىعىن راستايتىن سالىقتىق تەكسەرۋ اكتىسىنىڭ نە سالىق كودەكسىنىڭ 635-بابىنىڭ 10-تارماعىندا كوزدەلگەن جاعدايلاردا, سالىقتىق تەكسەرۋ اكتىسىنە سالىق ورگانى قورىتىندىسىنىڭ (بۇدان ءارى – اكتىگە قورىتىندى) نەگىزىندە جۇرگىزىلەدى. وسى تارماقتىڭ 2), 3) تارماقشالارىنىڭ ەرەجەلەرى ققس اسىپ كەتكەن سوماسىن قايتارۋدىڭ وڭايلاتىلعان ءتارتىبىن قولداناتىن سالىق تولەۋشىلەرگە كقس اسىپ كەتكەن سوماسىن قايتارۋدى جۇزەگە اسىرۋ كەزىندە قولدانىلمايدى.»; 4 جانە 5-تارماقتار مىناداي رەداكتسيادا جازىلسىن: «4. سالىق ورگانى ققس قايتارۋ تۋرالى تالاپتى العاننان كەيىن قايتارۋعا ۇسىنىلعان ققس سومالارىنىڭ دۇرىستىعىن راستاۋ بويىنشا تاقىرىپتىق سالىقتىق تەكسەرۋ تاعايىندايدى. 5. قايتارۋعا ۇسىنىلگان ققس سومالارىنىڭ دۇرىستىعىن راستاۋ بويىنشا, سونداي-اق وعان قاتىستى قايتارۋدىڭ وڭايلاتىلعان ءتارتىبى قولدانىلعان سالىق تولەۋشىگە بيۋدجەتتەن قايتارىلعان ققس سومالارىنىڭ دۇرىستىعىن راستاۋ بويىنشا سالىقتىق تەكسەرۋدى جۇرگىزۋ كەزىندە سالىق ورگانى اقپاراتتىق جۇيەنى پايدالانا وتىرىپ, تەكسەرىلىپ جاتقان سالىق تولەۋشى بويىنشا جەتكىزۋشىلەر مەن ساتىپ الۋشىلار بويىنشا تالدامالىق ەسەپتى قالىپتاستىرادى. جەتكىزۋشىلەردە جانە (نەمەسە) ساتىپ الۋشىلاردا بۇزۋشىلىقتار انىقتالعان كەزدە مىندەتتى قارسى سالىقتىق تەكسەرۋ جۇرگىزىلەدى نەمەسە مونيتورينگكە جاتاتىن ءىرى سالىق تولەۋشىلەر بويىنشا سالىقتىق باقىلاۋدى جۇزەگە اسىراتىن سالىق قىزمەتى ورگانىنا سۇراۋ سالۋ جىبەرىلەدى. ەگەر قارسى تەكسەرۋ جۇرگىزۋ كەزىندە جەتكىزۋشى تاراتىلۋىنا بايلانىستى قىزمەتىن توقتاتقان جانە مۇنداي جەتكىزۋشىگە قاتىستى تاراتۋ سالىقتىق تەكسەرۋى جۇرگىزىلگەن جاعدايدا, ەسەپكە جاتقىزىلعان ققس سومالارىن راستاۋ وتكىزىلگەن تاۋارلار, ورىندالعان ءجۇمىستار جانە كورسەتىلگەن قىزمەتتەر بويىنشا شوت-فاكتۋرالاردىڭ ءتىزىلىمىنىڭ نەگىزىندە جۇرگىزىلەدى. ەگەر قارسى تەكسەرۋ جۇرگىزۋ كەزىندە جەتكىزۋشى تاراتىلۋىنا بايلانىستى قىزمەتىن توقتاتقان جانە مۇنداي جەتكىزۋشىگە قاتىستى تاراتۋ سالىقتىق تەكسەرۋى جۇرگىزىلمەگەن جاعدايدا, وندا وسىنداي جەتكىزۋشى جازىپ بەرگەن شوت- فاكتۋرادا كورسەتىلگەن ققس سوماسى بيۋدجەتتەن قايتارىلۋعا جاتپايدى. بانكروتتىق سەبەبىنەن قىزمەتىن توقتاتۋىنا بايلانىستى جەتكىزۋشىگە قارسى تەكسەرۋ جۇرگىزۋ مۇمكىن بولماعان جاعدايدا, وسىنداي جەتكىزۋشى كونكۋرستىق ءىس قوزعالعانعا دەيىنگى كەزەڭدە جازىپ بەرگەن شوت-فاكتۋرالار بويىنشا ەسەپكە جاتقىزىلعان ققس سوماسىن راستاۋ وتكىزىلگەن تاۋارلار, ورىندالعان جۇمىستار جانە كورسەتىلگەن قىزمەتتەر بويىنشا شوت-فاكتۋرالار ءتىزىلىمىنىڭ نەگىزىندە جۇرگىزىلەدى. وسىنداي جەتكىزۋشى كونكۋرستىق ءىس قوزعالعاننان كەيىنگى كەزەڭدە جازىپ بەرگەن شوت-فاكتۋرالاردا كورسەتىلگەن ققس سوماسى بيۋدجەتتەن قايتارىلۋعا جاتپايدى. ەگەر سالىقتىق تەكسەرۋ باستالعانعا دەيىن سالىق تولەۋشىدە قايتارۋعا ۇسىنىلعان كقس-نىڭ اسىپ كەتكەن سوماسى جوق ەكەنى انىقتالعان جاعدايدا, سالىق ورگانى ون جۇمىس كۇنى ىشىندە سالىق تولەۋشىگە ققس قايتارۋ تالابىن قاراۋدان جازباشا باس تارتۋ جىبەرەدى. وسى تارماقتىڭ ەرەجەلەرى سونداي-اق وعان قاتىستى قايتارۋدىڭ وڭايلاتىلعان ءتارتىبى قولدانىلعان سالىق تولەۋشىگە بيۋدجەتتەن قايتارىلعان ققس سومالارىنىڭ دۇرىستىعىن راستاۋ بويىنشا تەكسەرۋ جۇرگىزۋ كەزىندە قولدانىلادى.»; 7, 12 جانە 13-تارماقتار الىنىپ تاستالسىن; 14-تارماق مىناداي رەداكتسيادا جازىلسىن: «14. ققس-نىڭ اسىپ كەتكەن سوماسىن قايتارۋدى سالىق ورگاندارى سالىقتىق تەكسەرۋ اكتىسىمەن (ونىڭ ىشىندە جەتكىزۋشىلەرمەن ءوزارا ەسەپ ايىرىسۋدىڭ دۇرىستىعىن راستاۋ ءۇشىن قارسى تەكسەرۋ جۇرگىزۋگە الىنعان, ەلەكتروندىق تسيفرلىق قولتاڭبامەن كۋالاندىرىلعان جاۋاپتار بويىنشا, تەكسەرىلەتىن سالىق تولەۋشىنىڭ جەتكىزۋشىسى قارسى تەكسەرۋلەر جۇرگىزۋ كەزىندە انىقتالعان بۇزۋشىلىقتاردى جويۋ فاكتىسى بويىنشا, بۇرىن جىبەرىلگەن سۇراۋ سالۋلار بويىنشا سالىق قىزمەتى ورگانىنان الىنعان جاۋاپتار نەگىزىندە مونيتورينگكە جاتاتىن ءىرى سالىق تولەۋشىلەر بويىنشا راستالعان ققس سوماسى بويىنشا) نە اكتىگە قورىتىندىمەن راستالعان, بىراق ققس قايتارۋ تۋرالى تالاپتا كورسەتىلگەن ققس سوماسى شەگىندە جۇزەگە اسىرادى.»; مىناداي مازمۇنداعى 26-تارماقپەن تولىقتىرىلسىن: «26. سالىق كودەكسىنىڭ 274-بابى 2-تارماعى 1) تارماقشاسىنىڭ بەسىنشى ابزاتسىنا سايكەس كقس اسىپ كەتكەن سوماسىن, بىراق ققس قايتارۋ تۋرالى تالاپتا كورسەتىلگەن ققس سوماسىنان اسپايتىن سومانى سالىق تولەۋشىگە قايتارعان جاعدايدا, ەسەپتىلىك سالىق كەزەڭىنىڭ سوڭىنا ءوسۋ جيىنتىعىمەن دەكلاراتسيا بويىنشا قالىپتاسقان قالعان ققس-نىڭ اسىپ كەتكەن سوماسى, قايتارۋعا ۇسىنىلگان, سونىڭ ىشىندە وڭايلاتىلعان تارتىپپەن قايتارىلعان ققس سومالارىنىڭ دۇرىستىعىن راستاۋ جونىندەگى سالىقتىق تەكسەرۋدىڭ ناتيجەسى بويىنشا سالىق زاڭناماسىنا سايكەس قايتارىلۋعا جاتادى. وسىنداي تەكسەرۋدىڭ ناتيجەسى بويىنشا قايتارىلۋعا جاتاتىن ققس اسىپ كەتۋ سوماسى ەسەپتى سالىق كەزەڭىنىڭ اياعىندا دەكلاراتسيا بويىنشا ءوسۋ جيىنتىعىمەن قالىپتاسقان جانە تەكسەرۋ ناتيجەسى بويىنشا راستالماعان ققس سوماسىنىڭ اراسىنداعى ايىرما رەتىندە, بىراق ققس قايتارۋ تۋرالى تالاپتا كورسەتىلگەن ققس سوماسىنان اسىرماي ايقىندالادى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.