ەل كورسەتكىشتەرى ەلەۋلى دەڭگەيدە

پرەزيدەنت جانىنداعى  ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. باسقوسۋدىڭ بۇل جولعى قوناقتارى  پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ, پرەمەر- ءمينيستردىڭ ورىنباسارى – قارجى ءمينيسترى باقىت سۇلتانوۆ, ەكو­نو­ميكا جانە بيۋدجەتتىك جوسپارلاۋ ءمينيسترى ەربولات دوساەۆ جانە سىرت­قى ىستەر ءمينيسترىنىڭ ءبىرىنشى ورىن­باسارى ءراپىل جوشىباەۆ بولدى. «اعىمداعى جىلدىڭ 19-21 مامىرى ارالىعىندا مەم­لە­كەت باسشىسى نۇرسۇلتان نا­زارباەۆتىڭ قىتاي حالىق رەسپۋبليكاسىنا مەملەكەتتىك ساپارى جانە شانحاي قالا­سىندا ازياداعى ءوزارا ءىس-قي­مىل جانە سەنىم شارالارى ءجو­نىندەگى كەڭەستىڭ VI سامميتىنە قاتىسۋى جوسپارلانعان. ساپار بارىسىندا قحر توراعاسى سي تسزينپينمەن كەلىسسوزدەر ءجۇر­گىزۋ جوسپارلانىپ وتىر ءجا­نە ەكىجاقتى قۇجاتتارعا قول قويىلاتىن بولادى. بۇل قازاقستان مەن قىتاي ارا­سىن­داعى ەكونوميكالىق ىنتى­ماق­تاستىقتى سەرپىندى دامىتۋدا جۇيەلى قادام بولماق. جالپى, بىرلەسكەن جۇ­مىس­تىڭ ناتيجەسىندە 2013 جى­لى ەكىجاقتى ساۋدانىڭ كو­لەمى 22,5 ميلليارد دوللاردى قۇراسا, ونىڭ ىشىندە ەلىمىز ەكسپورتى – 14,3 ملرد. دوللار, يمپورت 8,1 ملرد. دوللار بولعان. سون­داي-اق, 2014 جىلعى قاڭ­تار-اقپان ايلارىنداعى ەكى جاق­تى ساۋدا كولەمى 3,56 ملرد. دول­لاردى قۇرادى», دەدى پرە­مەر-ءمينيستردىڭ ءبىرىنشى ورىنباسارى ب.ساعىنتاەۆ. سو­نىمەن قاتار, ول قحر-مەن بىرلەسىپ ىسكە اسىرىلىپ جاتقان ينۆەستيتسيالىق جوبا­لار تۋرالى دا ايتىپ ءوتتى. «قازاقستان مەن قحر اراسىن­داعى سۋ ءبولۋ بويىنشا تەحني­كالىق جۇمىستاردىڭ نەگىزگى باعىتتارىنىڭ جوس­پارىن ىسكە اسىرۋ بويىنشا بيىل­عى جىلدىڭ 24-27 اق­پانى ارالىعىندا پەكيندە قر مەن قحر اراسىنداعى ترانس­شەكارالىق وزەندەردىڭ سۋ رەسۋرس­تارىن باعالاۋ جونىندە تەحنيكالىق جۇمىس وتىرىسى ءوتتى. جيىندا دەرەكتەردى تالداۋ مەن سالىستىرۋ, عىلىمي-زەرتتەۋ جۇمىسى بويىنشا ەسەپتەر الماسۋ جۇزەگە اسىرىلدى. قورعاس وزەنىندەگى «دوستىق» گيدروتورابىنا قاتىستى نىسان وتكەن جىلدىڭ شىلدە ايىندا رەسمي تۇردە پايدالانۋعا بەرىلدى. 2013 جىلعى قىركۇيەكتە استانادا قحر توراعاسى سي ءتسزينپيننىڭ مەملەكەتتىك ساپارى بارىسىندا قر مەن قحر ۇكىمەتتەرىنىڭ اراسىنداعى «دوستىق» گيدروتورابىن باسقارۋ جانە پايدالانۋ تۋرالى كەلىسىمگە قول قويىلدى. قازىرگى تاڭدا قازاقستاندىق تاراپ اتالعان كەلىسىمدى راتيفيكاتسيالاۋ بويىنشا جۇمىستار جۇرگىزۋدە», دەدى ب. ساعىنتاەۆ. پرەمەر-ءمينيستردىڭ ءبىرىنشى ورىنباسارى ۇكىمەت وتىرىسىندا قارالعان ءبىر­قاتار جوبالارعا دا توقتالدى. «ازاماتتاردىڭ م ۇلىكتى جاريا ەتۋىنە بايلانىستى ولارعا راقىمشىلىق جاساۋ تۋرالى» زاڭ جوباسى تۋرالى» ماسەلەگە كەلەر بولسام, اعىمداعى جىلى ۇكىمەت م ۇلىكتى جاريا ەتۋ تۋرالى زاڭ جوباسىن ازىرلەدى. بۇل رەتتە اتالعان زاڭ جوباسىندا تەك اقشانى عانا ەمەس, سونىمەن قاتار, جىلجىمايتىن م ۇلىكتى جاريا ەتۋ دە قاراستىرىلعان. ۇكىمەت وتىرىسىندا بۇل زاڭ جوباسى ماقۇلدانعان جانە ونى پارلامەنت ءماجىلىسىنىڭ قاراۋىنا ەنگىزۋ تۋرالى قاۋلى قابىلداندى. سونداي-اق, وتىرىستا 2013 جىلعى قازاقستان رەسپۋبليكاسىنىڭ باسەكەگە قابىلەتتىلىگى تۋرالى باياندامانىڭ جوباسى تىڭدالدى. ول حالىقارالىق رەيتينگتەردى تالداۋدى, باسە­­كەگە قابىلەتتى فاكتورلار بويىنشا قازاقستاندى حالىق­­ارالىق سالىستىرۋدى, ەلدىڭ باسەكەگە قابىلەتتىلىگىن ودان ءارى ارتتىرۋ بويىنشا قابىلداناتىن شارالار مەن ۇسىنىمداردى قامتيدى», دەدى پرەمەر-ءمينيستردىڭ ءبىرىنشى ورىنباسارى. ۇكىمەت جانىندا باسەكەگە قابىلەتتىلىك جونىندەگى كەڭەس جۇمىس ىستەيدى, ول باسەكەگە قابىلەتتىلىكتىڭ التى الەمدىك رەيتينگى جانە ۇلتتىق ينديكاتورلار نەگىزىندە باسەكەگە قابىلەتتىلىككە جۇيەلى مونيتورينگ جۇرگىزەدى. رەيتينگتەر 2012 جىلعى ستاتيستيكالىق دە­رەكتەر مەن 2013 جىلى ءجۇر­گىزىلگەن ساۋالدامالار نەگىزىندە قۇرىلعان. تۇتاستاي العاندا, ەلىمىز حالىقارالىق رەيتينگتەردە ءوزىنىڭ بىرقا­لىپتى جوعارى پوزيتسياسىن ساقتاۋدا. ءابدىراحمان قىدىربەك, «ەگەمەن قازاقستان».