• 14 مامىر, 2014

اتى جوق كورمە نەمەسە مۇڭلى, ويلى, كەلىستى كەلبەتتەر

285 رەت

كورسەتىلدى

1 مين

وقۋ ءۇشىن

Egemen Qazaqstan

اپتا ورتاسىنان اۋعان كەزدە, ياعني 15 مامىردا ءبىر توپ الماتىلىق سۋرەتشى ادامداردىڭ سان الۋان كەلبەتتەرىنەن قۇرالعان «اتى جوق كورمە» ۇيىمداستىرىپ, جيۆوپيس, گرافيكامەن سالىنعان, ەرەكشە مۇسىندەردەن تۇراتىن اۋقىمدى تۋىندىلارىن ۇسىنعالى وتىر. «اق رويال» گالەرەياسىندا وتەتىن پورترەتتەر شەرۋىندە وبرازدىق, پسيحولوگيالىق, ەموتسيالىق, فيلوسوفيالىق بەينەلەر شەپ قۇراتىن بولادى. مۇنداي تاماشا تۋىندىلاردىڭ اۆتورلارى بۇل كۇندە ەلىمىزگە بەلگىلى بولعان, قالامى ۇشتالعان, ويى ۇشقىر, ارقايسىسى قايتالانبايتىن قولتاڭباعا يە سۋرەتشىلەر. بۇلار – قىلقالام شەبەرلەرىنىڭ قۋاتىن قۇراستىرا كەلە, دوستار مەن مۇددەلەستەردى ءبىر كورمە اياسىنا بىرىكتىرىپ, قالىپ پەن ويعا يە, بىرەگەي گالەرەيا جاساۋعا قول جەتكىزگەن تالانتتار دەسە دە بولادى. كورمەگە سۋرەتتەرى قويىلعان اۆتورلار ءداستۇرلى دە تىڭ سوقپاقتاردان سونى كەلبەتتەر ىزدەپ, ءداستۇرلى ەمەس ادىستەردەن ءتىرى دە باتىل, قىزىقتى بەينەلەردى تۋدىرعان. كورمەنى ۇيىمداستىرۋشىلار بۇل يدەياعا «كەلبەت جاساۋ» جوباسى باستاماشى بولعانىن العا تارتىپ وتىر. ال كەلبەت قۇراۋ – سۋرەتشىنىڭ ءبىرىنشى كەزەكتەگى جۇمىسى بولعاندىقتان, ول باسپالداقتارعا باستاپ, «اتى جوق كورمە» دۇنيەگە كەلدى. ايناش ەسالي, «ەگەمەن قازاقستان». الماتى.