ءىس-شارا بارىسىندا بالالار «سارجايلاۋ» ەتنواۋىلىنا ساياحاتتاپ, وندا قازاق حالقىنىڭ باي تاريحىمەن, ونەرىمەن جانە داستۇرلەرىمەن تانىسىپ, اتا-بابالارىمىز وركەنيەتىنىڭ ەتنومادەني ورتاسىنا كوز ءسۇزىپ, اۋىل تۇرمىسىن تاماشالادى. بالالارعا ء«تىلاشار» ۇلتتىق ءداستۇرى ۇسىنىلدى, ەلىمىزدىڭ نەگىزگى زاڭى تۋرالى اقپارات بەرىلدى, مەرەكەلىك داستارحان جايىلدى.
مەكتەپ تابالدىرىعىن اتتاعالى وتىرعان بۇلدىرشىندەرگە اقساقالدار باتا بەرىپ, اجەلەر شاشۋ شاشتى. ال «جايحۋن» قاراقالپاق ەتنومادەني ورتالىعى بالالارعا ءان مەن كۇي ورىندادى.
انالار كەڭەسىنىڭ مۇشەسى تۇرار شاكەن «قارا شاڭىراق» ۇلتتىق تاربيە مەكتەبىنىڭ اتىنان بالالارعا سىيلىقتار تابىس ەتتى.
«بالالار – ەلىمىزدىڭ بولاشاعى. ء«تىلاشار» مەرەكەسى ارقىلى ءبىز بالالارعدى وقۋعا, قورشاعان الەمدى تانۋعا دەگەن ىنتاسىن وياتامىز», دەدى تۇرار شاكەن.
«انالار كەڭەسىنىڭ قىزمەتى ءار ءتۇرلى جانە ماڭىزدى, ول وسكەلەڭ ۇرپاقتى تاربيەلەۋگە, وتباسىلىق قۇندىلىقتار مەن ۇلتتىق داستۇرلەردى ساقتاۋعا باعىتتالعان», دەپ اتاپ ءوتتى استانا قحا انالار كەڭەسىنىڭ ءتورايىمى التىناي تاڭىربەرگەنوۆا.
