بۇل تۋرالى وڭىرلىك توتەنشە جاعدايلار جونىندەگى دەپارتامەنتتەن حابارلاندى. 24 تامىز كۇنى اقسۋ قالاسىنداعى ساۋنادا ءۇش وتباسى جينالىپ, تۋعان كۇنىن اتاپ وتكەن. مەرەكەگە جينالعاندار باسسەينگە شومىلىپ, ونداعى شامادان تىس حلوردان ۋلانىپ قالعان. توعىز ادامعا, ونىڭ ىشىندە بەس بالاعا مەديتسينالىق كومەك قاجەت بولىپتى.
دارىگەرلەر تەكسەرگەننەن كەيىن ءۇش ءجاسوسپىرىم اۋرۋحاناعا جاتقىزىلدى. ولاردىڭ ءبىرى - 3-سىنىپ وقۋشىسى, ەكىنشىسى - 1-سىنىپ وقۋشىسى, ال ءۇشىنشىسى - 14 جاستاعى گەرمانيا ازاماتى.
- بالالار جەڭىل ۋلانعان. زارداپ شەككەندەردىڭ جاعدايى تۇراقتى, ولار اۋرۋحانادان شىعۋعا دايىندالىپ جاتىر, - دەپ مالىمدەدى دەپارتامەنتتە.
سونداي-اق بەس جاسار قىز بالا مەن ءتورت ەرەسەك ادام جەڭىل دارەجەدە ۋلانعان. تاعى ءبىر 9 جاسار قىزدىڭ كوزىنىڭ اينالاسىن كۇيىك شالعان.
