جارمەڭكە ماۋسىمىن 27 تامىز كۇنى تۇركىستان وبلىسى اشادى. وڭىردەن كەلگەن 70-تەن استام اۋىل شارۋاشىلىعى وندىرۋشىلەرى 535 توننا ءونىم ۇسىنادى.
«تۇركىستان وبلىسىنىڭ تاۋار وندىرۋشىلەرى 113,5 توننا ەت جانە ەت ونىمدەرىن, 165,5 توننا كوكونىس, 23 توننا كارتوپ, 72 توننا ءسۇت ونىمدەرىن, 69 توننا باقشا ونىمدەرىن, 34 توننا جەمىس-جيدەك, 8 توننا بال, 31 توننا جەمىس شىرىنى مەن كونسەرۆىلەنگەن ونىمدەردى, 11 توننا بالىق, 20 مىڭ دانا جۇمىرتقا جانە 2 توننا نان-توقاش ونىمدەرىن ۇسىنادى. قالا تۇرعىندارى مەن قوناقتارى ولاردى نارىق باعاسىنان 15-20% تومەن باعامەن ساتىپ الا الادى. جارمەڭكە كونتسەرتتىك باعدارلامامەن جالعاسادى», دەدى تۇركىستان وبلىسى اۋىل شارۋاشىلىعى باسقارماسى باسشىسىنىڭ ورىنباسارى نۇربول بەكمۇراتوۆ اكىمدىكتە وتكەن ونلاين بريفينگتە.
بيىل تۇرعىنداردىڭ ءوتىنىشى بويىنشا اۋىل شارۋاشىلىعى جارمەڭكەلەرىن وتكىزۋ ورنى «حان شاتىر» سوو جانىنداعى الاڭنان «بارىس ارەنا» مۇز سارايىنا قاراما-قارسى اۋماققا اۋىستى.
نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى قۋانىش ساپاروۆتىڭ ايتۋىنشا, جارمەڭكەلەر «استانا-ارەنا» ستاديونىنىڭ جانىنداعى الاڭدا, تۇران 48 مەكەن جايىندا وتەدى.
«جالپى اپتا سايىنعى اۋىلشارۋاشىلىق جارمەڭكەلەرى ءوز جۇمىسىن وسى جىلدىڭ 11 ماۋسىمىندا باستادى. وعان اقمولا جانە قاراعاندى وبلىستارىنىڭ, سونداي-اق سقو-نىڭ تاۋار وندىرۋشىلەرى قاتىستى. تەك 2 كۇننىڭ ىشىندە جارمەڭكەدە 100 توننا ءونىم ساتىلدى. سونىمەن قاتار ەلوردادا ەكى اۋدان اۋماعىندا دەمالىس كۇندەرى جارمەڭكەلەر وتەدى. ەسىل اۋدانىندا - ساۋران كوشەسى, 7 مەكەنجايى بويىنشا», دەدى ساپاروۆ.
الماتى اۋدانىندا جارمەڭكە جۇرگەنوۆ كوشەسى, 27 مەكەنجايى بويىنشا وتەدى. وتكىزۋ كۇندەرى: سەنبى-جەكسەنبى. جارمەڭكەگە ازىق-ت ۇلىك تاۋارلارىن كوتەرمە جەتكىزۋشىلەر, قاراعاندى جانە اقمولا وبلىستارىنىڭ جاقىن اۋداندارىنداعى شارۋا قوجالىقتارى, سونداي-اق شاپاعات بازارىنىڭ كوتەرمە ساۋدامەن اينالىسۋشىلارى قاتىسادى.
