جىل سايىنعى كونفەرەنتسياعا قر ءبىلىم جانە عىلىم ۆيتسە-ءمينيسترى عاني بەيسەمباەۆ, نۇر-سۇلتان قالاسى اكىمىنىڭ ورىنباسارى ەسەت بايكەن, ەلوردالىق ءبىلىم باسقارماسىنىڭ باسشىسى قاسىمحان سەنعازيەۆ, سونداي-اق پەداگوگتەر, اتا-انالار, ورتالىق جانە جەرگىلىكتى مەملەكەتتىك ورگانداردىڭ وكىلدەرى قاتىستى.
«5 جىل ىشىندە 72-گە جۋىق مەكتەپ سالۋ جانە پايدالانۋعا بەرۋ جوسپارلانۋدا. ويتكەنى, قازىرگى ۋاقىتتا نەگىزگى سۇرانىستاردىڭ ءبىرى - مەكتەپتەر سانىن كوبەيتۋ. تامىز كونفەرەنتسياسىندا مۇعالىمدەردى دايارلاۋ ماسەلەسى تالقىلاندى. بيىل نۇر-سۇلتان قالاسىنىڭ اكىمى التاي كولگىنوۆتىڭ تاپسىرماسى بويىنشا پەداگوگيكالىق ماماندىقتار بويىنشا جوعارى ءبىلىم الۋعا 1300 گرانت ءبولۋ تاپسىرىلدى», دەدى قالا اكىمىنىڭ ورىنباسارى ەسەت بايكەن.
ەلوردالىق ءبىلىم باسقارماسىنىڭ باسشىسىنىڭ ايتۋىنشا, بيىل قالا مەكتەپتەرىندە جاڭا وزگەرىستەر ەنگىزىلەدى.
«جاڭا وقۋ جىلىندا ءبىز ەلوردانىڭ بارلىق مەكتەپتەرىندە شاحمات كلۋبتارى مەن ۇيىرمەلەرىن اشامىز. شاحمات فەدەراتسياسىمەن بىرلەسىپ تۋرنيرلەر وتكىزىپ, مەكتەپ جاتتىقتىرۋشىلارىن وقىتاتىن بولامىز. تاعى ءبىر جاڭالىق – دومبىرا ۇيىرمەسىنىڭ اشىلۋى, وقۋشىلار اراسىنان دومبىرا وركەسترىنىڭ قۇرىلۋى. بۇل وقۋشىلاردىڭ شىعارماشىلىق الەۋەتىن دامىتۋعا, بالالاردىڭ ەستەتيكالىق تاربيەسىنە جاعداي جاساۋعا, قازاق حالقىنىڭ تاريحىنا, سالت-داستۇرلەرىنە دەگەن سۇيىسپەنشىلىكتى وياتۋعا مۇمكىندىك بەرەدى», دەدى قاسىمحان سەنعازى ۇلى.
كونفەرەنتسيا سوڭىندا پەداگوگتەرگە «مەيىرىم - الەمگە ماحابباتپەن», «ەڭبەك سىڭىرگەن ءبىلىم قىزمەتكەرى», «ەڭبەك ارداگەرى» توسبەلگىلەرى تابىستالدى.
