قازا تاپقاندار اراسىندا اسكەريلەر, مەملەكەتتىك مەكەمە قىزمەتكەرلەرى مەن قوناقۇيدىڭ يەسى بار.
شابۋىل ءۇشىن جاۋاپكەرشىلىكتى «اش-شابااب» ۇيىمى ءوز موينىنا الدى.
لاڭكەستەر قوناقۇيگە جۇما كۇنى كۇن باتقان سوڭ شابۋىل جاساعان. بىرقاتار جارىلىس بولعانى حابارلاندى.
توپ وكىلدەرى يسلامشىلداردىڭ كوپتەگەن قاۋىپسىزدىك قىزمەتكەرلەرىن ولتىرگەنىن جانە عيماراتتىڭ وزىندە ادامدارعا وق جاۋدىرعانىن مالىمدەدى.
قوناقۇي اينالاسى قورشاۋعا الىندى. تاڭەرتەڭ اسكەريلەر عيماراتتى اتقىلاپ, شابۋىلعا دايىندالا باستادى.
ۇرىس 18 ساعاتتان استام ۋاقىتقا سوزىلدى. قاۋىپسىزدىك قىزمەتكەرلەرى ۇيدەگى بەيبىت تۇرعىنداردىڭ كوپشىلىگىن, سونىڭ ىشىندە بالالاردى قۇتقارا العان.
«فرانس-پرەسس» اگەنتتىگى حابارلاعانداي, بۇل وسى جىلدىڭ مامىر ايىندا ەل پرەزيدەنتى حاسان شەيح ماحمۋدتىڭ قايتا سايلانۋىنان كەيىنگى ەڭ اۋقىمدى شابۋىل بولدى.
